close
Եղանակը Երևանում
17 Դեկտեմբերի 2018
+2°
+6°Ցերեկ
+0°Գիշեր
weather
close
Փոխարժեք
17 Դեկ 2018
USD1484.70
GBP1610.72
EUR1549.12
RUB17.29
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սկանդալ` Փհենչհանում. հայ մարզիկը մնացել է առանց մարզագույքի

Սպորտ

13 Փետրվարի 2018, 15:58
 Սկանդալ` Փհենչհանում. հայ մարզիկը մնացել է առանց մարզագույքի

Հարավային Կորեայի Փհենչհան քաղաքում ընթացող 23-րդ ձմեռային օլիմպիական խաղերում Հայաստանը ներկայացնող լեռնադահուկորդ Աշոտ Կարապետյանը Փհենչհանում տհաճ իրավիճակում է հայտնվել:

Yerkir.am-ի տեղեկություններով՝ մինչ այս պահը լեռնադահուկորդը մարզմանը չի մասնակցել, վազքուղին չի փորձարկել, քանի որ մարզիկին դահուկային գույք չեն տրամադրել, իսկ նրա մարզահագուստի վրա առկա չէ «Հայաստան» նշումը:

Օլիմպիական խաղերի կազմակերպիչները պատճառաբանել են, որ նախատեսված ժամկետից ուշ են ստացել մարզիկի անունը, այդ իսկ պատճառով մարզահագուստի վրա համապատասխան նշումներն արված չեն: Նախապես չի պատվիրվել նաև դահուկորդի մարզագույքը:

Աշոտ Կարապետյանն իր վարկանիշային միավորները հավաքել էր դեռևս հունվարի 21-ին, այսինքն` Հայաստանի դահուկասպորտի ֆեդերացիան լեռնադահուկորդի անունը կարող էր ուղարկել օլիմպիական խաղերի մեկնարկից դեռ 19 օր առաջ:

Մեր տեղեկություններով՝ իրավիճակը փորձել են հարթել և մեր երկրին խայտառակությունից փրկել օլիմպիական խաղերում հայաստանյան պատվիրակության ներկայացուցիչները՝ փորձելով սեփական միջոցներով դահուկորդի համար գույք ձեռք բերել: Սակայն Աշոտ Կարապետյանը հրաժարվել է այլևս ելույթ ունենալ:

Նշենք, որ դեռևս օլիմպիական խաղերից առաջ խոսակցություներ էին գնում, որ Հայաստանի լեռնադահուկային սպորտի հավաքականի գլխավոր մարզիչ Սեյրան Հարությունյանը նպատակադրվել է իր որդուն՝ լեռնադահուկորդ Հարություն Հարությունյանին ուղարկել Փհենչան, սակայն նրան չհաջողվեց ձեռք բերել համապատասխան վարկանիշ:

Ի դեպ, Սեյրան Հարությունյանի եղբայրը Ծաղկաձորի քաղաքապետ, Հայաստանի դահուկային սպորտի ֆեդերացիայի նախագահ Արթուր Հարությունյանն է:

Նշենք, որ Աշոտ Կարապետյանի առաջին ելույթ պետք է տեղի ունենա փետրվարի 18-ին, սակայն ինչպե՞ս է մարզիկն առանց դահուկների ներկայացնելու Հայաստանը, հայտնի չէ:

Չքնեք, տղաներ
17 Դեկտեմբերի 2018, 22:24 Չքնեք, տղաներ
Հայտնի է 2018-ի գլխավոր բառը
17 Դեկտեմբերի 2018, 15:58 Հայտնի է 2018-ի գլխավոր բառը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica