close
Եղանակը Երևանում
15 Հոկտեմբերի 2018
+17°
+23°Ցերեկ
+12°Գիշեր
weather
close
Փոխարժեք
15 Հոկ 2018
USD1485.28
GBP1638.00
EUR1562.25
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բավարարված եմ զգում, բաց և պրոֆեսիոնալ զրույց էր. Արմեն Սարգսյանը` «Ելք»-ի հետ հանդիպման մասին

Քաղաքական

9 Փետրվարի 2018, 14:15
 Բավարարված եմ զգում, բաց և պրոֆեսիոնալ զրույց էր. Արմեն Սարգսյանը` «Ելք»-ի հետ հանդիպման մասին

«Ելք» խմբակցության հետ հանդիպումից հետո պատասխանելով լրագրողների հարցերին` ՀՀ նախագահի թեկնածու Արմեն Սարգսյանը նրանց շնորհակալություն հայտնեց բարձրացրած հարցերի համար, մասնավորապես` Ամուլսարի հետ իր առնչությանը, պաշտպանության նախարար Վազգեն Սարգսյանի հետ ունեցած խնդիրներին վերաբերող: Նա նշեց, որ եթե նախագահի հետ հանդիպումից հետո համաձայնեց առաջադրվել, շատ կարևոր է, որ հասարակությունը ճիշտ պատկերացում ունենա իր ապագա բարձրաստիճան պաշտոնյայի մասին:

Սարգսյանն անդրադարձավ «Ելք» խմբակցության հետ տեղի ունեցած հանդիպմանը, այն գնահատեց բաց և պրոֆեսիոնալ: «Հանդիպման ընթացքում հարցեր ուղղեցինք իրար երկու կողմից: Քննարկումը շատ բաց էր, պրոֆեսիոնալ: Ես իմ կողմից բավարարված եմ զգում, որովհետև շատ բաց զրույց էր, և ես կարծում եմ, որ այս զրույցը վերջինը չէ: Մենք խոսեցինք նաև հետագա հանդիպումների մասին: Ես հստակ գիտեմ, որ «Ելք»-ը հայտարարել է, որ դեմ են քվեարկելու ինձ, ես էլ, իհարկե, հարգում եմ նրանց որոշումը, բայց դա չի նշանակում, որ եթե ես համաձայնեմ թեկնածու լինել, հետո ընտրվեմ նախագահ, նրանց հետ չեմ աշխատելու: Ընդհակառակը` նրանք ընդդիմախոս կառույց են, արտահայտում են հասարակության որոշակի մասի կարծիքը: Այնպես որ` ես նայում եմ առաջ, նրանց հետ շարունակելու եմ աշխատել»,- նշեց նա:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica