close
Եղանակը Երևանում
19 Հոկտեմբերի 2018
+11°
+21°Ցերեկ
+12°Գիշեր
weather
close
Փոխարժեք
19 Հոկ 2018
USD1483.48
GBP1634.62
EUR1557.16
RUB17.38
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նախագահին տվել եք լիազորություններ, ինչո՞ւ եք թույլ տալիս օրենքով այդ լիազորությունները խլել նախագահից. Գևորգ Գորգիսյան

Քաղաքական

8 Փետրվարի 2018, 12:25
 Նախագահին տվել եք լիազորություններ, ինչո՞ւ եք թույլ տալիս օրենքով այդ լիազորությունները խլել նախագահից. Գևորգ Գորգիսյան

ԱԺ-ում «Ներման մասին» օրենքի քննարկման ժամանակ «Ելք»խմբակցության պատգամավոր Գևորգ Գորգիսյանը ելույթում հիշեցրեց, որ Սահմանադրության համապատասխան հոդվածում սևով սպիտակի վրա գրված է` նախագահը լուծում է ներում շնորհելու հարցը:

Նա նշեց, որ լուծում տալ` նշանակում է որոշում կայացնել, ապա բերեց օրինակ. «Ինչ-որ մեկը բռնաբարության համար դատված է, հիմա վարչապետը, ինչ-ինչ հանգամանքներից ելնելով, որոշում է, որ պետք է ներում շնորհվի, իր հայեցողությամբ կազմվում է խորհուրդ, որոշվում է, որ կարելի է, կամ հակառակը` որոշում է, որ չի կարելի ներում շնորհել, ու սա գնում է նախագահի մոտ: Բայց քանի որ նախագահը ապակուսակցական մարդ է և չպետք է կուսակցական շահերով առաջնորդվի, որոշում է, որ չի կարելի ներում շնորհել, թեև վարչապետը որոշել է, որ ներում պետք է շնորհի: Նախագահը չի ուզում և պետք է դիմի Սահմանադրական դատարան: Կարո՞ղ եք ինձ բացատրել, թե Սահմանադրական դատարանում ի՞նչն է վիճարկվելու. այդ մարդու բռնաբարել-չբռնաբարե՞լը, բռնաբարելը հակասում է Սահմանադրությանը, թե` ո՞չ: Սահմանադրական դատարանը ի՞նչը պետք է քննի, խնդրո առարկան, քննության առարկան ի՞նչն է լինելու»:

Պատգամավորի կարծիքով` բերվել է աննորմալ մոդել ու ասում են` չէ, նախագահը որոշում է: «Նախագահից փաստացի որոշում կայացնելու գործառույթը վերցվում է: Նախագահին տվել եք լիազորություններ, ինչո՞ւ եք թույլ տալիս, որ օրենքով այդ լիազորությունները խլվեմ նախագահից, ինչո՞ւ եք թույլ տալիս, որ հենց հիմա Սահմանադրությունը խախտվի»,- հարցեց Գորգիսյանը`նշելով` գուցե ինչ-որ բանից վախենո՞ւմ են:

«Այսպես չի կարելի, եկեք միանգամից նախագահի ինստիտուտը հանենք, ու վերջ, ինչի՞ց եք վախենում: Վախենում եք, որ նախագահը, շատ լիազորություններ ունենալով, վաղը մյուս օրը մեծ կշիռ ձեռք կբերի և հեղաշրջո՞ւմ կանի»,- եզրափակեց Գորգիսյանը:

ՄԻՊ-ն այցելել է Բաղանիս
18 Հոկտեմբերի 2018, 21:14 ՄԻՊ-ն այցելել է Բաղանիս
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica