close
Եղանակը Երևանում
15 Հոկտեմբերի 2018
+17°
+23°Ցերեկ
+12°Գիշեր
weather
close
Փոխարժեք
15 Հոկ 2018
USD1485.28
GBP1638.00
EUR1562.25
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կառավարությունը կվերցնի կամ կօտարի չօգտագործվող կամ մասնակի օգտագործվող պետական անշարժ գույքը

Քաղաքական

8 Փետրվարի 2018, 11:31
 Կառավարությունը կվերցնի կամ կօտարի չօգտագործվող կամ մասնակի օգտագործվող պետական անշարժ գույքը

Այսօր կառավարության նիստում վարչապետ Կարեն Կարապետյանի հերթական հանձնարարականը վերաբերում էր պետական գույքի կառավարման վարչության կողմից արձանագրված պետական մարմինների, պետական ոչ առևտրային կազմակերպությունների անշարժ գույքին: 

Այդ անշարժ գույքը փաստացի չի օգտագործվում կամ օգտագործվում է ոչ արդյունավետ կամ մասնակի: Միաժամանակ, վարչապետի խոսքով, այդ անշարժ գույքի պահպանման ծախսերը հիմնականում իրականացվում են պետական բյուջեից: Ահա, թե ինչու այդ անշարժ գույքերը, ներդրումային ծրագրերի իրականացման և նոր աշխատատեղերի ստեղծման նկատառումով, պետք է օգտագործման տրամադրել, անգամ` անհատույց, կամ էլ նախաձեռնել դրանց օտարման գործընթացը:

Ելնելով դրանից` վարչապետը հանձնարարեց հանրապետական գործադիր մարմինների ղեկավարներին և մարզպետերին` մեկամսյա ժամկետում գույքագրել և պետական գույքի կառավարման վարչություն ներկայացնել պետական, համայնքային, ինչպես նաև հանրապետական գործադիր մարմինների ենթակայության, պետական ոչ առևտրային և այլ կազմակերպություններին օգտագործման իրավունքով տրված այն անշարժ գույքերի ցանկերը, որոնք մինչ օրս չեն օգտագործվել կամ օգտագործվել են ոչ լիարժեք:

Հանձնարարվեց նաև պետական գույքի վարչության պետին` մեկամսյա ժամկետում ամփոփել ներկայացված տեղեկատվությունը և կառավարության աշխատակազմին ներկայացնել առաջարկություններ, թե այդ անշարժ գույքը ներդրումային ծրագրերի և նոր աշխատատեղերի ստեղծման տեսանկյունից ինչպես կարելի է օգտագործել կամ օտարել:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica