close
Եղանակը Երևանում
15 Օգոստոսի 2018
+23°
+29°Ցերեկ
+18°Գիշեր
weather
close
Փոխարժեք
15 Օգս 2018
USD1483.03
GBP1617.31
EUR1550.85
RUB17.23
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Առավոտից իրիկուն դատավորների համար սեմինարներ ենք անում, արդյունք չի տալիս. Գևորգ Կոստանյան

Իրավունք

6 Փետրվարի 2018, 12:07
 Առավոտից իրիկուն դատավորների համար սեմինարներ ենք անում, արդյունք չի տալիս. Գևորգ Կոստանյան

Եթե չբարձրացնենք դատավորների պատասխանատվության հարցը, ապա մեր ակնկալած որակի արդարադատություն չենք ունենա. այսօր ԱԺ-ում դատական օրենսգրքի նախագծի քննարկման ժամանակ հայտարարեց ԱԺ պետական-իրավական և մարդու իրավունքների պաշտպանության հարցերի մշտական հանձնաժողովի ներկայացուցիչ Գևորգ Կոստանյանը:

«Առավոտից իրիկուն դատավորների համար սեմինարներ անենք, գիշեր-ցերեկ կոնֆերանսներ անենք, վերապատրաստենք, չգիտեմ ինչեր անենք` արդյունք չի տալիս, արդյունքը չի բավարարում մեր ակնկալիքները»,- ասաց նա՝ կարևորելով ՄԻԵԴ որոշումների արդյունքում դատավորներին պատասխանատվության ենթարկելու մեխանիզմների ներդրման հարցը:

Կոստանյանի խոսքով՝ դատական օրենսգրքով նախատեսվող կարգավորումների արդյունքում ՄԻԵԴ որոշումների հիման վրա արձանագրված խախտման փաստը հիմք է հանդիսանալու դատավորի նկատմամբ կարգապահական վարույթ հարուցելու համար: «Մենք անուղղակիորեն դատավորի վրա պարտավորություն ենք դրել Մարդու իրավունքների եվրոպական դատարանի վճռով նախատեսված դրույթները կատարելու համար»,- ասաց նա:

ԱԺ «Ելք» խմբակցության պատգամավոր Արտակ Զեյնալյանը հետաքրքրվեց, թե խախտման փաստի դեպքում կոնկրետ ո՞ր ատյանի դատավորն է պատասխանատվության ենթարկվելու:

«Որպեսզի ՄԻԵԴ-ը քաղաքացու կողմից ներկայացված գանգատը ճանաչի ընդունելի, անձը պետք է սպառած լինի ներպետական պաշտպանության բոլոր միջոցները, այսինքն` հարցը պետք է բարձրացրած լինի բոլոր երեք ատյաններում (Առաջին ատյանի, Վերաքննիչ և Վճռաբեկ դատարաներում): Առաջին ատյանում մեկ դատավոր է, Վերաքննիչում` երեք, իսկ Վճռաբեկում դատավորների 2/3-ը մերժում է գործը վարույթ ընդունել: Այս դեպքում ո՞ր դատավորն է ենթակա պատասխանատվության»,-հետաքրքրվեց Զեյնալյանը:

Կոստանյանը պատասխանեց, որ եթե ինչ-որ գործով առաջին ատյանի դատարանի կայացրած որոշումը Վերաքննիչն ու Վճռաբեկ դատարանները թողնեն անփոփոխ, և եթե Եվրոպական դատարանը խախտում արձանագրի, ապ երեք ատյանի դատավորներն էլ պետք է համաչափ պատասպանատվության ենթարկվեն՝ իրենց կատարած խախտման համամասնությամբ:

P. S. Աղվան Վարդանյան
15 Օգոստոսի 2018, 12:53 P. S. Աղվան Վարդանյան

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica