close
Եղանակը Երևանում
16 Հոկտեմբերի 2018
+20°
+22°Ցերեկ
+11°Գիշեր
weather
close
Փոխարժեք
16 Հոկ 2018
USD1485.28
GBP1638.00
EUR1562.25
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Խնդիրն այն է, որ չունեցանք ներառական աճ. Սուրեն Պարսյան

Քաղաքական

5 Փետրվարի 2018, 14:55
 Խնդիրն այն է, որ չունեցանք ներառական աճ. Սուրեն Պարսյան

ԱԺ ՀՀ խմբակցության քարտուղար Գագիկ Մելիքյանը պնդում է, որ տնտեսական առաջընթացի ապահովումը, որը իշխող քաղաքական ուժը կոալիցիոն գործընկերոջ հետ իր վրա է վերցրել, իրականացվում է:

«Գլոբալ աշխարհում տեղի ունեցող լուրջ գործընթացներն իրենց ազդեցությունն են ունենում ցանկացած երկրի տնտեսական զարգացման վրա, առավել ևս՝ մեր երկրի նման երկրների վրա, երբ 80 տոկոսով տնտեսական շրջափակման մեջ ենք: Դրանք բացասական իմաստով իրենց ազդեցությունը չեն կարող չունենալ», - նշեց նա լրագրողների հետ հանդիպման ժամանակ:

Մելիքյանն ընդգծեց, որ տնտեսության զարգացմանն ուղղված լուրջ քայլեր են իրականացվում, որը նախատեսված էր նաև իրենց նախընտրական ծրագրով: Ըստ նրա` տարածաշրջանում ՀՀ-ն միակ երկիրն է, որը ապահովել է բարձր տնտեսական աճ:

Քննարկմանը ներկա` ՀՅԴ Բյուրոյի տնտեսական հետազոտությունների գրասենյակի պատասխանատու, տնտեսագետ Սուրեն Պարսյանը նշեց, որ 2017-2022 թթ. կառավարության ծրագիրը կազմվել է ՀՅԴ-ՀՀԿ նախընտրական ծրագերի հիման վրա: Ըստ նրա` նախընտրական ծրագրերում կան կոնկրետ ցուցանիշներ, որոնք էլ հիմա ապահովվում են:

«Կարևոր է, որ կան նշված կոնկրետ ցուցանիշներ: Օրինակ` ապահովել 5 տոկոս տնտեսական աճ. մենք կարողացանք ապահովել: Ապահովել ՀՆԱ-ի նկատմամբ արտահանման 40%-ի ծավալ. այս տարի մենք ունենք 25,2 տոկոս արտահանման աճ: Նվազագույն աշխատավարձը ավելացնել 25 տոկոսով. այս ուղղությամբ կոնկրետ քայլեր են կատարվում»,- ասաց Պարսյանը:

Անդրադառնալով ՀՅԴ Բյուրոյի և ԳՄ նիստի հայտարարությանը` նա նշեց, որ դրա մեջ նշվել է այն ձեռքբերումները, որ եղան 2017 թվականին` գրանցված աննախադեպ տնտեսական ակտիվությունը: Նաև նշված են խնդիրներ:

«Առաջին խնդիրն այն է, որ մենք չունեցանք ներառական աճ: Այն տնտեսական աճից տարբերվում է, այն իրենից ներկայացնում է որակական ցուցանիշների համախումբ, այսինքն` աղքատության կրճատում, եկամուտների բևեռականության նվազում, արտադրողականության աճ, կյանքի տևողության աճ, որոնք մեր տնտեսության համար կապահովեն ներառական աճ»,- ասաց նա:

Պարսյանն անդրադարձավ նաև հակամենաշնորհային քաղաքականությանը: «Սա ֆիքսված է նաև կոալիցիոն հուշագրի մեջ, այս ուղղությամբ պետք է կոնկրետ քայլեր ձեռնարկել: Եթե կարողացել ենք ներմուծումը պարզեցնել, հաջորդը ուշադրության կենտրոնում պետք է լինի մանրածախ շուկան. եթե ներմուծումը ավելացնում ես, մանրածախ շուկայում կոնկրետ քայլեր չես իրականացնում, խնդիր ես ունենալու ապրանքի իրացման հետ»,- շեշտեց նա:

Ըստ տնտեսագետի` մեր մանրածախ շուկան ներկայումս համակենտրոնացված է և պետք է ազատականացնել այն:

Հայաստանի գործատուների միության նախագահ Գագիկ Մակարյանն էլ նշեց, որ դրական տեղաշարժեր կան, դրանք տեսանալի են:

«Եթե հիմնավորված խոսենք` մեր բազմաթիվ վերլուծությունները բացահայտել են 3 հիմնական խոչընդոտներ գործատուների համար` ստվեր, կոռուպցիա, անհավասար մրցակցություն: Այս երեք ուղղությամբ էլ աշխատանքներ տարվում են»,- նշեց նա:

Ըստ Մակարյանի` ամենակարևոր խնդիրը շարունակում է մնալ վստահության խնդիրը, որը ձևավորվում է պետական մարմինների պատասխանատվությունից:

Պարսյանը համաձայնեց, որ` այո, պատասխանատվության խնդիրը կա, սակայն նշեց, որ Սահմանադրությունը տալիս է այդ լուծումը: «Ներկայումս ոչ միայն կառավարությանը կարելի է անվստահություն ներակայացնել, այլ նաև առանձին վատ աշխատող նախարարների հնարավոր է պատասխանատվության ենթարկել»,- ասաց նա` հավելելով, որ կարևոր է` 2018-ի ապրիլից հետո նախարարները պետք է իրենք մշակեն ոլորտի քաղաքականությունը, իրականացնեն և դրա համար պատասխանատվություն կրեն իրենց գործունեության համար:

Մելիքյանն էլ նշեց, որ անցումը խորհրդարանական ձևաչափին ենթադրում է նաև իրավունքների և պարտականությունների հստակեցում:

Ասադը խոստացել է այցելել Ղրիմ
16 Հոկտեմբերի 2018, 13:09 Ասադը խոստացել է այցելել Ղրիմ
Երկրաշարժ` Ադրբեջանում
16 Հոկտեմբերի 2018, 10:44 Երկրաշարժ` Ադրբեջանում
Ուժեղ երկրաշարժ` Չինաստանում
16 Հոկտեմբերի 2018, 10:30 Ուժեղ երկրաշարժ` Չինաստանում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica