close
Եղանակը Երևանում
19 Օգոստոսի 2018
+22°
+28°Ցերեկ
+18°Գիշեր
weather
close
Փոխարժեք
19 Օգս 2018
USD1483.14
GBP1613.68
EUR1549.86
RUB17.16
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիայի ու Վատիկանի հարաբերությունները՝ Հայոց ցեղասպանության թեմայի ճգնաժամից հետո. BBC

Աշխարհ

5 Փետրվարի 2018, 13:26
 Թուրքիայի ու Վատիկանի հարաբերությունները՝ Հայոց ցեղասպանության թեմայի ճգնաժամից հետո. BBC

BBC-ի թուրքական ծառայությունը Թուրքիայի նախագահ Ռեջեփ Թայիփ Էրդողանի՝ Վատիկան այցից առաջ հոդված է հրապարակել՝ անդրադառնալով վերջին տարիներին 2 երկրների հարաբերությունների  զարգացմանը, հատկապես` Հայոց ցեղասպանության 100-րդ տարելիցից հետո:

Թուրք հեղինակը հիշեցրել է, որ Վատիկանի ու Թուրքիայի հարաբերությունների միջև ճգնաժամի պատճառ էին դարձել 2015-ին Հայոց ցեղասպանության 100-րդ տարելիցի առիթով Ֆրանցիսկոս պապի  կազմակերպած պատարագն ու դրանից հետո արած հայտարարությունները, ինչպես նաև դրան հաջորդած` Էրդողանի կոշտ արձագանքը:

«Այս դեպքերից հետո Թուրքիան 10 ամիս շարունակ Վատիկանի հետ դիվանագիտական հարաբերությունները պահում էր գործերի հավատարմատարի մակարդակով: Միայն 2016-ի փետրվարին երկկողմանի նախաձեռնությունների շնորհիվ Թուրքիայի դեսպանը վերադարձավ Վատիկան»,- հիշեցրել է հեղինակը:

Նրա խոսքով՝ Թուրքիայի ու Վատիկանի դիրքորոշումները համընկել են Մյանմարի ռոհինգյա մուսուլմանների կոտորածների հարցում:

«Ֆրանցիսկոս պապը բազմիցս խոսեց 2017-ին Մյանմարում տեղի ունեցած կոտորածների մասին, անգամ՝ այցելեց Մյանմար ու Բանգլադեշ, որտեղ հանդիպեց բռնությունների ենթարկված մուսուլմանների հետ:  Նախօրեին իտալական La Stampa թերթին տված հարցազրույցում Էրդողանը հայտարարել է, որ Ֆրանցիսկոս պապի սրտացավ վերաբերմունքը ոոհինգյա մուսուլմանների վերաբերյալ պետք է աշխարհի համար օրինակ լինի»,- ասվում է հոդվածում:

Հիշեցնենք, որ սա Թուրքիայի նախագահի մակարդակով առաջին այցն է Վատիկան 59 տարվա դադարից հետո: 

Ջերմաստիճանը կնվազի
18 Օգոստոսի 2018, 20:09 Ջերմաստիճանը կնվազի
Իրավիճակը՝ շփման գծում
18 Օգոստոսի 2018, 15:53 Իրավիճակը՝ շփման գծում
ՃՏՊ` Առինջ գյուղի մոտ
17 Օգոստոսի 2018, 22:13 ՃՏՊ` Առինջ գյուղի մոտ

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica