close
Եղանակը Երևանում
15 Դեկտեմբերի 2018
+0°
+6°Ցերեկ
-1°Գիշեր
weather
close
Փոխարժեք
15 Դեկ 2018
USD1484.87
GBP1609.92
EUR1547.37
RUB17.30
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կառավարության թիրախային ուղղություններից է` փոքր ֆերմերներին աջակցություն ցուցաբերելը. գյուղնախարար

Տնտեսական

31 Հունվարի 2018, 23:20
 Կառավարության թիրախային ուղղություններից է` փոքր ֆերմերներին աջակցություն ցուցաբերելը. գյուղնախարար

ՀՀ գյուղատնտեսության նախարար Իգնատի Առաքելյանն ընդունել է Գյուղատնտեսության զարգացման միջազգային հիմնադրամի (IFAD) Հյուսիսային Աֆրիկայի և Եվրոպայի ստորաբաժանման հայաստանյան ծրագրի ղեկավար Ռամի Սալմանին` համագործակցության վերաբերյալ ծրագրային առաջարկներ ներկայացնելու մասին:

 Հանդիպման սկզբում ՀՀ գյուղատնտեսության նախարարը համառոտ ներկայացրել է Հայաստանում գյուղատնտեսության զարգացման տեսլականը` ընդգծելով, որ ներկայումս ոլորտի առաջնահերթությունների թվում են փոքր և միջին ձեռնարկատիրության խթանումը, գյուղատնտեսական հումքի վերամշակման կենտրոնների, սառնարանային տնտեսությունների, կաթի մթերման կայանների ստեղծումը, բուսաբուծության և անասնապահության ճյուղերում բարձր ավելացված արժեք ապահովող գյուղատնտեսական մթերքների արտադրության գերակշռումը, տեղական գյուղմթերքի արտադրության և արտահանման ծավալների ավելացման նպատակով ջերմոցների հիմնումը:

 Անդրադառնալով ագրարային ոլորտում ՀՀ կառավարության կողմից իրականացվող պետական օժանդակության ծրագրերին` Իգնատի Առաքելյանը նշել է, որ ներկայումս կառավարության թիրախային ուղղություններից մեկը փոքր ֆերմերներին աջակցություն ցուցաբերելն  է, ինչը թույլ կտա ավելացնել նրանց եկամուտները: Միաժամանակ նախարարը կարևորել է կրթության ոլորտում ժամանակակից գիտելիքներով զինված մասնագետների պատրաստումը և  համայնքներում` ագրարային ոլորտում բիզնես-ծրագրերի մշակման և իրագործման վերաբերյալ ֆերմերների իրազեկվածության մակարդակի բարձրացումը:

 Ռամի Սալմանն իր հերթին  վերահաստատել է պատրաստակամությունը ՀՀ գյուղատնտեսության նախարարության և մասնավոր հատվածի ներգրավմամբ քննարկել համատեղ  նոր ծրագրերի մշակման և իրականացման հնարավորությունը, որոնք համահունչ կլինեն ոլորտի ներկայիս առաջնահերթություններին և գերակա խնդիրներին:

 Պայմանավորվածություն է ձեռք բերվել առաջիկայում  ձևավորել աշխատանքային խումբ, որում կընդգրկվեն Գյուղատնտեսության նախարարության, մասնավոր հատվածի և IFAD-ի ներկայացուցիչներ՝ կարճաժամկետ (2019-2020 թթ)  և երկարաժամկետ (2019-2024 թթ)  ոլորտի զարգացման ռազմավարության մշակման նպատակով:

Սպասելով ընդդիմութեան
14 Դեկտեմբերի 2018, 21:30 Սպասելով ընդդիմութեան
Մենք ենք, մեր կուռքերը
14 Դեկտեմբերի 2018, 19:59 Մենք ենք, մեր կուռքերը
Ձախդարձն անխուսափելի Է
14 Դեկտեմբերի 2018, 18:34 Ձախդարձն անխուսափելի Է
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica