close
Եղանակը Երևանում
25 Մայիսի 2018
+20°
+22°Ցերեկ
+15°Գիշեր
weather
close
Փոխարժեք
25 Մայ 2018
USD1482.76
GBP1644.63
EUR1565.36
RUB17.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գորան Բրեգովիչը Հայաստանում համերգ կտա իր՝ «Հարսանիքի և թաղման նվագախմբով»

Մշակույթ

30 Հունվարի 2018, 16:32
 Գորան Բրեգովիչը Հայաստանում համերգ կտա իր՝ «Հարսանիքի և թաղման նվագախմբով»

Ապրիլի 16-ին Կ. Դեմիրճյանի անվան մարզահամերգային համալիրում համերգով հանդես կգա հանրահայտ սերբ կոմպոզիտոր, կիթառահար և դիրիժոր Գորան Բրեգովիչը: Համերգը կազմակերպել է «Մեցցո»-ն:

Հիշեցնենք, որ Բրեգովիչը Հայաստանում բացառիկ համերգով էր հանդես եկել դեռ 2010-ի նոյեմբեր ամսին՝ «Երևանյան հեռանկարներ» 11-րդ երաժշտական փառատոնի շրջանակներում:

Լրագրողների հետ հանդիպման ժամանակ Բրեգովիչը պարզաբանել էր, թե ինչու են կատակով իր նվագախումբն անվանում «Հարսանիքի և թաղման նվագախումբ»: «Սերբերն ավանդույթ ունեն թաղումից հետո հոգեհաց տալ: Արարողության ընթացքում երաժիշտները նվագում են այն երաժշտությունը, որը սիրում էր հանգուցյալը, և  շատ հնարավոր է` ուրախ երաժշտություն հնչի: Այդ պատճառով երկու առիթների ժամանակ էլ նույն մարդիկ են նվագում: Իմ նվագախումբն էլ մինչև ինձ հետ համագործակցելը նման առիթների ժամանակ է նվագել»,- ասել է նա:

Ասուլիսի ժամանակ Բրեգովիչը նշել էր նաև, որ Հայաստան գալուց առաջ հայկական ֆոլկլորային ստեղծագործություններ է լսել, որոնք շատ է հավանել. «Եթե դեմ չեք ու եթե ստացվի, ինչ-որ բան «կգողանամ» Հայաստանից: Արդյունքը հետո կտեսնենք»:

Բրեգովիչը Էմիր Կուստուրիցայի հանրահայտ «Սպիտակ կատու, սեւ կատու», «Գնչուների ժամանակը», «Արիզոնյան երազանք», «Անդերգրաունդ» և մի շարք այլ ֆիլմերի երաժշտության հեղինակն է: 

Այս բաժնի այլ նորությունները
Ամենաշատ ընթերցվածները
Yandex.Metrica