close
Եղանակը Երևանում
28 Մայիսի 2018
+16°
+25°Ցերեկ
+14°Գիշեր
weather
close
Փոխարժեք
28 Մայ 2018
USD1482.76
GBP1644.63
EUR1565.36
RUB17.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Երեխաները չեն գիտակցում, որ կռփազենք կրելը քրեորեն պատժելի արարք է. Նելլի Դուրյան

Իրավունք

26 Հունվարի 2018, 13:11
 Երեխաները չեն գիտակցում, որ կռփազենք կրելը քրեորեն պատժելի արարք է. Նելլի Դուրյան

2017թ. ընթացքում հանցագործություն կատարելու համար քրեական պատասխանատվության է ենթարկվել 341 անչափահաս ՝ 10-ով ավելի քիչ, քան 2016-ին:

Այսօր ՀՀ ոստիկանության քրեական հետախուզության գլխավոր վարչության 3-րդ վարչության պետ, ոստիկանության գնդապետ Նելլի Դուրյանը լրագրողներին հայտնեց, որ նվազել են անչափահասների կողմից կատարված ծանր հանցագործությունների դեպքերը: Մասնավորապես` 2016-ին գրանցվել է անչափահասների կողմից կատարված սպանության 5 դեպք, իսկ 2017-ին նման դեպք չի գրանցվել:

Նվազել են նաև անչափահասների կողմից ծանր մարմնական վնասվածք հասցնելու դեպքերը. 2016-ին` 12, իսկ 2017-ին` 10 դեպք: 2016-ին գրանցվել է անչափահասների կողմից կատարված կողոպուտի 7, իսկ 2017-ին` 5 դեպք:

ՀՀ ոստիկանության անչափահասների իրավունքների պաշտպանության և ընտանեկան բռնության դեմ պայքարի վարչության պետի խոսքով՝ 2016թ. ցուցանիշի համեմատ, փոքր-ինչ աճել են անչափահասների մասնակցությամբ կատարված խուլիգանության դեպքերը. 2016-ին գրանցվել է նման 3, իսկ 2017-ին` 4 դեպք: Անչափահասների կողմից անօրինական զենք կրելու ցուցանիշը նույնն է՝ 20 դեպք:

Դուրյանի խոսքով՝ ոստիկանության աշխատակիցների կողմից անչափահասների մոտ հիմնականում հայտնաբերվել են կռփազենքեր, կտրող-ծակող զենքեր: «Կռփազենքի վերաբերյալ զրույցներ են լինում, աշակերտներին ներկայացնում ենք, բացատրում, որ կռփազենքը սառը զենք է, սակայն երեխաները դա կրում են իրենց գրպանում` որպես ինքնապաշտպանության միջոց՝ չգիտակցելով, որ դրա համար կարող են քրեական պատասխանատվության ենթարկվել»,- ասաց նա:

Դուրյանը նշեց, որ նվազել է նաև իգական սեռի անչափահասների կողմից կատարված հանցագործությունների թիվը: Նրա խոսքով՝ 2017թ. ընթացքում գրանցվել է անչափահասների նկատմամբ կատարված բռնության 190 դեպք, որոնցից 17-ն ընտանեկան բռնության դեպքերն են: 2016-ին գրանցվել է անչափահասների նկատմամբ կատարված բռնության 13 դեպք:

Բանախոսը նշեց, որ անչափասհների կողմից կատարված հանցագործությունների թվի աճ է նկատվում Երևանում և Լոռու մարզում: Ի դեպ, 2016-ին ոստիկանությունում հաշվառված է եղել մուրացկանությամբ զբաղվող 19 երեխա, իսկ 2017-ին` 18:

Նելլի Դուրյանի խոսքով՝ այս պահի դրությումբ ոստիկանությունում հաշվառված է մուրացկանությամբ զբաղվող ընդամենը երկու երեխա՝ մեկը` Երևանում, մյուսն` Աբովյան քաղաքում: Նախորդ տարի գրանցվել է երեխային մուրացկանության մեջ ներգրավելու մեկ, երեխային աշխատանքային թրաֆիքինգի ենթարկելու` 2 դեպք: Դուրյանի խոսքով՝ մուրացկանությամբ շարունակում են զբաղվել այն երեխաներն, ովքեր տեղ չունեն գնալու, ստիպված ծնողի հետ գնում են, աշխատում, օրինակ` մոմավաճառությամբ զբաղվում:

«Նման երեխաների չեն կարող քրեական պատասպանատվության ենթարկել: Այստեղ պետք է համայնքների սոցիալական ծառայության աշխատակիցների հետ համատեղ աշխատանք, որպեսզի երեխան փողոցում չհայտնվի, չզրկվի կրթության և այլ իրավունքներից: Իսկ այն ծնողները, ովքեր երեխային ներգրավում են մուրացկանության մեջ, ենթարկա են քրեական պատասխանատվության»,- ասաց Դուրյանը:

Փլուզում՝ Երևանում
26 Մայիսի 2018, 13:00 Փլուզում՝ Երևանում

Այս բաժնի այլ նորությունները
Ամենաշատ ընթերցվածները
Yandex.Metrica