close
Եղանակը Երևանում
27 Մայիսի 2018
+24°
+26°Ցերեկ
+14°Գիշեր
weather
close
Փոխարժեք
27 Մայ 2018
USD1482.76
GBP1644.63
EUR1565.36
RUB17.81
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բելառուսում կկառուցվի առաջին հայկական եկեղեցին

Հասարակություն

19 Հունվարի 2018, 21:42
 Բելառուսում կկառուցվի առաջին հայկական եկեղեցին

Հունվարի 19-ին Բելառուսում ՀՀ դեսպան Օլեգ Եսայանը հանդիպեց Մինսկի քաղգործկոմի նախագահ Անդրեյ Շորեցի հետ:

Շնորհակալություն հայտնելով հանդիպման համար՝ ՀՀ դեսպանը նշեց հայ-բելառուսական հարաբերությունների հետագա զարգացման և խորացման կարևորությունը:

Հանդիպման ընթացքում քննարկվեց Բելառուսում առաջին հայկական եկեղեցու կառուցման և դրա համար տարածքի ընտրության հարցը, ինչի վերաբերյալ բազմաթիվ քննարկումներ են տեղի ունեցել նաև հայ համայնքի ղեկավարության հետ: Կողմերը եկան նախնական համաձայնության եկեղեցու կառուցման համար անհրաժեշտ վայրի հատկացման վերաբերյալ: 

Դեսպան Եսայանը նաև ընդգծեց, որ Հայ Առաքելական եկեղեցու կառուցումը Բելառուսում էլ ավելի կսերտացնի երկու ժողովուրդների բարեկամական կապերը:
Իր հերթին Անդրեյ Շորեցը տեղեկացրեց եկեղեցու կառուցման հարցում իր շահագրգռվածության մասին և ընդգծեց անհրաժեշտ աջակցություն ցուցաբերելու իր պատրաստակամությունը:

Զրուցակիցներն անդրադարձան ՀՀ և ԲՀ միջև դիվանագիտական հարաբերությունների հաստատման 25-ամյա հոբելյանական տարում երկու երկրների մայրաքաղաքների միջև ավելի սերտ համագործակցության ծավալման և համատեղ միջոցառումների անցկացման հնարավորություններին:

Կողմերը նաև քննարկեցին Երևան քաղաքի հիմնադրման 2800-ամյա հոբելյանին Մինսկի պատվիրակության մասնակցությանն ու ընթացիկ տարում նախատեսվող Երևանի և Մինսկի միջև քույր քաղաքների համաձայնագրի ստորագրման հարցերը:

Փլուզում՝ Երևանում
26 Մայիսի 2018, 13:00 Փլուզում՝ Երևանում

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica