close
Եղանակը Երևանում
19 Հունվարի 2019
-2°
+3°Ցերեկ
-3°Գիշեր
weather
close
Փոխարժեք
19 Հնվ 2019
USD1485.42
GBP1628.13
EUR1553.38
RUB17.31
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

ԱՄՆ կոնգրեսականը կոչ է արել վերացնել խոչընդոտները ԱՄՆ-Արցախ հարաբերություններում

Աշխարհ

18 Հունվարի 2018, 11:15
 ԱՄՆ կոնգրեսականը կոչ է արել վերացնել խոչընդոտները ԱՄՆ-Արցախ հարաբերություններում

ԱՄՆ Կոնգրեսի անդամ Ֆրանք Փալոնեն Կոնգրեսում կոչ է արել արհեստական խոչընդոտները վերացնել և զարգացնել ԱՄՆ-ի և Արցախի միջև հարաբերությունները՝ ներկայացնելով «ԱՄՆ-Արցախ ճանապարհորդություն և կապ» բանաձևը: Այդ մասին տեղեկացնում է ԱՄՆ Հայ Դատի հանձնախումբը:

Ըստ Asbarez-ի՝ կոնգրեսականը նշել է, որ Արցախում հաջողված ժողովրդավարական կառավարություն է գործում, և ոչինչ չպետք է խոչընդոտի ԱՄՆ-ի և այլ երկրների հետ փոխգործակցությանը:

«Սեպտեմբեր ամսին իմ այցը Արցախ դարձյալ ցույց տվեց այն մեծ հաջողությունները, որ Արցախը ձեռք է բերել վերջին տարիներին, և ուրիշներին էլ պետք է տրվի նույն հնարավորությունը: Արագ զարգացող երկրներին, օրինակ` Արցախին, ճանաչումը չընդունելու միջոցով խոչընդոտելու փոխարեն ԱՄՆ-ը պետք է ընդունի և խրախուսի նրանց պաշտոնական գործողությունների միջոցով»,- ասել է Փալոնեն:

Կոնգրեսականի ներկայացրած բանաձեւն ընդգծում է Արցախի հավատարմությունը խաղաղ նախաձեռնություններին, ինչպիսին կոնգրեսականներ Էդ Ռոյսի եւ Էլիոտ Էնգելի նախաձեռնությունն է, որը կոչ է անում շփման գծից դիպուկահարների և ծանր հրետանու հեռացում, ԵԱՀԿ դիտորդների թվի ավելացում:

Փաստաթուղթը կոչ է անում ԱՄՆ կառավարության բոլոր մակարդակներում պաշտոնատար անձանց թույլ տալ այցելել Արցախ և բաց ու անմիջական շփվել հանրապետության գործընկերների հետ, խրախուսել Արցախի պաշտոնյաների և ԱՄՆ գործադիր ու օրենսդիր ներկայացուցիչների միջև անմիջական շփումները:

Ամերիկայի Հայ Դատի հանձնախմբի գործադիր տնօրեն Արամ Համբարյանը  շնորհակալություն է հայտնել կոնգրեսականին բանաձևի ներկայացման համար:

Լիացած Ռոստոմի Յիշատակով
18 Հունվարի 2019, 18:05 Լիացած Ռոստոմի Յիշատակով
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica