close
Եղանակը Երևանում
25 Մայիսի 2018
+21°
+22°Ցերեկ
+15°Գիշեր
weather
close
Փոխարժեք
25 Մայ 2018
USD1482.65
GBP1646.46
EUR1566.10
RUB17.86
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ալեքսանդր Արզումանյանի օգտին կայացված ՄԻԵԴ վճիռն աննախադեպ չէր մեր երկրի համար. Գևորգ Կոստանյան

Հասարակություն

17 Հունվարի 2018, 15:06
 Ալեքսանդր Արզումանյանի օգտին կայացված ՄԻԵԴ վճիռն աննախադեպ չէր մեր երկրի համար. Գևորգ Կոստանյան

Ալեքսանդր Արզումանյանի օգտին կայացված ՄԻԵԴ վճիռն աննախադեպ չէր մեր երկրի համար. խորհրդարանում լրագրողների հետ զրույցում ասաց ՀՀԿ-ական պատգամավոր Գևորգ Կոստանյանը: Նրա խոսքով՝ կալանավորման պրակտիկան մեր երկրում կատարելագործման կարիք ունի, և շատ դեպքերում մարդու իրավունքները խախտվում են:

«Եվրոպական դատարանը հաստատեց, որ կալանավորման ընթացքում չեն պահպանվել կոնվենցիոն և օրենքի այլ պահանջներ` թե' Ալեքսանդր Արզումանյանի, թե' այլ դեպքերում, որովհետև չեն հիմնավորվել կալանքի արտոնությունները»,- ասաց Կոստանյանը:

Հարցին` առաջին անգա՞մ դեսպանի պետք է փոխհատուցեն նման գործով, Գևորգ Կոստանյանը պատասխանեց, որ այն ժամանակ, երբ Ալեքսանդր Արզումանյանը վիճարկել էր իր իրավունքը ՄԻԵԴ-ում, դեսպան չէր: «Իսկ այն, որ վճիռ կայացվեց, դեսպան լինելով, դա նաև դրական նշանակություն ունի այն իմաստով, որ մեզ համար որևէ նշանակություն չունի` ում իրավունքն է խախտվել՝ իշխանության մեջ գտնվող, թե` չգտնվող անձի»,- ասաց նա:

Հիշեցնենք, որ Մարդու իրավունքների եվրոպական դատարանը «Ալեքսանդր Արզումանյանն ընդդեմ Հայաստանի» գործով կայացրած վճռով սահմանել է, որ Հայաստանը խախտել է մարդու իրավունքների եվրոպական կոնվենցիան, և պարտավորեցրել է Հայաստանի Հանրապետությանը` երեք ամիսների ընթացքում Արզումանյանին վճարել 2500 եվրո գումար:

Արզումանյանն էլ հայտարարել էր, որ ՄԻԵԴ վճռով փոխհատուցման գումարները ստանալուց հետո դրանք կուղղի Զինծառայողների ապահովագրության հիմնադրամին:

Կոստանյանն անդրադարձավ նաև այն փաստին, որ ՄԻԵԴ-ը ՀՀ Վճռաբեկ դատարանն արդյունավետ պաշտպանության միջոց չի համարում, և դա շատ մտահոգիչ է: «ՄԻԵԴ-ն արձանագրել է, որ Վճռաբեկ դատարանն այսօրվա իրավակարգավորման պայմաններում արդյունավետ միջոց չէ կալանավորումը որպես խափանման միջոց վիճարկելու գործերով: Դրա համար մենք օրենսդրական փոփոխություններ ենք կատարում, որոնք ուղղված են այն բանին, որ այսուհետև նման խնդիր չունենանք»,- ասաց նա:

Այս բաժնի այլ նորությունները
Ամենաշատ ընթերցվածները
Yandex.Metrica