close
Եղանակը Երևանում
12 Դեկտեմբերի 2018
+7°
+10°Ցերեկ
+2°Գիշեր
weather
close
Փոխարժեք
12 Դեկ 2018
USD1485.12
GBP1608.05
EUR1549.84
RUB17.31
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«Դաշնակցություն» խմբակցությունն առաջարկել է անվանափոխել Ստեփանակերտի որոշ փողոցներ

Հասարակություն

12 Հունվարի 2018, 16:16
 «Դաշնակցություն» խմբակցությունն առաջարկել է անվանափոխել Ստեփանակերտի որոշ փողոցներ

Աղբյուրը՝ arfd.am

Հունվարի 11-ին Արցախի Հանրապետության Ազգային Ժողովի «Դաշնակցություն» խմբակցության պատգամավորները հանդիպել են Ստեփանակերտի քաղաքապետ Սուրեն Գրիգորյանի հետ:

Խմբակցության ղեկավար Արմեն Սարգսյանը նշել է, որ խմբակցությունը պարբերաբար հանդիպումներ է ունենում բնակչության հետ, որոնց ընթացքում բարձրացված հարցերը փորձում են համապատասխան օղակներով կարգավորել: «Այսօրվա հանդիպումը նպատակ ունի քննարկելու Ստեփանակերտի հետ կապված որոշ մտահոգություններ և ժողովրդի կողմից բարձրացված հարցեր»,- ասել է Արմեն Սարգսյանը՝ ավելացնելով, որ հիմնական հարցը Ստեփանակերտ քաղաքի որոշ փողոցների անվանումների հարցն է: «Մեր հիմնական մտահոգությունն այն է, որ հակազգային մի շարք գործիչների անուններով փողոցներ կան Ստեփանակերտում, այն դեպքում, երբ ազգային հայտնի գործիչների անունը կրող փողոցներ չկան»,- նշել է Արմեն Սարգսյանը:

«Շուտով լրանում է Հայաստանի առաջին հանրապետության հռչակման 100-ամյակը և Արցախյան շարժման 30-ամյակը: Մեր պատմության այս հերոսական ժամանակաշրջանի անվանի դեմքերին անունները պետք է արժևորենք, որի միջոցներից մեկն էլ փողոցների անվանակոչությունն է»,- ասել է պատգամավոր Ռիտա Մնացականյանը:

Ստեփանակերտի քաղաքապետը ողջունել է առաջարկը՝ ավելացնելով, որ փողոց անվանափոխելը կապված է ֆինանսական մեծ ծախսերի հետ: «Այդ հարցին պետք է հանրային հնչեղություն տալ, հասարակական կարծիք ձևավորել»,- հավելել է Սուրեն Գրիգորյանը՝ առաջարկելով առաջարկները գրավոր ներկայացնել:

«Դաշնակցություն» խմբակցության անդամները բարձրացրին նաև մայրաքաղաքի արտաքին տեսքին, շինարարական աշխատանքներին վերաբերող մի շարք հարցեր:

Ի՞նչ ընդդիմություն
12 Դեկտեմբերի 2018, 12:55 Ի՞նչ ընդդիմություն
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica