close
Եղանակը Երևանում
18 Հունվարի 2018
+0°
+5°Ցերեկ
-2°Գիշեր
weather
close
Փոխարժեք
18 Հնվ 2018
USD1482.99
GBP1666.33
EUR1591.13
RUB18.53
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բենզինը և դիզվառելիքը թանկացել են շուրջ 18 տոկոսով

Տնտեսական

12 Հունվարի 2018, 15:55
 Բենզինը և դիզվառելիքը թանկացել են շուրջ 18 տոկոսով

Տեղեկացրել էինք, որ 2017թ. դեկտեմբերին, նոյեմբերի համեմատ, ՀՀ սպառողական շուկայում արձանագրվել է 1.5% գնաճ, ինչը հիմնականում պայմանավորվել է սննդամթերքի և ոչ ալկոհոլային խմիչքի 3.6% գնաճով: Այս մասին տեղեկանում ենք Ազգային վիճակագրական ծառայության «Սպառողական գների ինդեքսը ՀՀ-ում 2017թ. հունվար-դեկտեմբերին» հրապարակումից:

Ըստ այդմ՝ սննդամթերքի և ալկոհոլային, ոչ ալկոհոլային խմիչքի (ներառյալ ծխախոտ) գները դեկտեմբերին աճել են 3.2%-ով:

2017թ. դեկտեմբերին, նոյեմբերի համեմատ, ոչ պարենային ապրանքների շուկայում գրանցվել է 0.1% գնաճ: Այս նույն ժամանակահատվածում բենզինի գինն աճել է 1.6%-ով, իսկ դիզելային վառելիքինը՝ 1.8%-ով: 2017թ. դեկտեմբերին, 2016թ. դեկտեմբերի համեմատ, հանրապետությունում գրանցվել է բենզինի և դիզելային վառելիքի՝ համապատասխանաբար 18.2% և 18.9% գնաճ:

2017թ. դեկտեմբերին, նոյեմբերի համեմատ, հանրապետության սպառողական շուկայում արձանագրված 1.5% գնաճն ուղեկցվել է ԱՄՆ դոլարի նկատմամբ հայկական դրամի հաշվարկային փոխարժեքի 0.4% նվազմամբ: 2017թ. դեկտեմբերին ԱՄՆ դոլարի նկատմամբ հայկական դրամի միջին հաշվարկային փոխարժեքը կազմել է 483.2 դրամ, ինչը 0.1%-ով գերազանցել է 2016թ. դեկտեմբերի համապատասխան ցուցանիշը (482.8 դրամ):

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica