close
Եղանակը Երևանում
24 Սեպտեմբերի 2018
+13°
+25°Ցերեկ
+12°Գիշեր
weather
close
Փոխարժեք
24 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նախկինում Ամանորին միայն հունվարի 6-ից հետո է մսեղեն մատուցվել

Հասարակություն

3 Հունվարի 2018, 17:47
 Նախկինում Ամանորին միայն հունվարի 6-ից հետո է մսեղեն մատուցվել

Ամանորը նշելու ձևը, տոնին հատուկ սովորույթներից շատերն արդեն մոռացվել են:

Yerkir.am-ի հետ զրույցում նկարչուհի, ազգագրագետ Լուսիկ Ագուլեցին նշեց, որ նախկինում, օրինակ, տոնական սեղանին մինչև հունվարի 6-ը միայն բուսական սնունդ է եղել, քանի որ մարդիկ պաս էին պահում մինչև հունվարի 6-ը: Մսեղեն, ըստ Ագուլեցու, միայն հունվարի 6-ից հետո է մատուցվել: «Մինչ հունվարի 6-ը հյուրերին հիմնականում ընդեղեն է մատուցվել, ինչպես նաև չորթանով ճաշ, ձավարով ճաշեր, պասուց տոլմա, քաղցրավենիք: Հիմա մարդիկ ուշադրություն են դարձնում տոնական սեղանի ճոխությանը, ինչը ճիշտ մոտեցում չէ: Փոխվել է ինչպես Ամանորը դիմավորելու, այնպես էլ այն նշելու ձևը. մարդիկ բովանդակությունը մոռացել են: Սակայն ոչ մեկին չեմ կարող ասել՝ սխալ եք, յուրաքանչյուրը նշում է այնպես, ինչպես իրեն է հարմար»,- ասաց Լուսիկ Ագուլեցին:

Ամանորի ծիսակարգը, ըստ նրա, այնքանով է հետաքրքիր, որ ամբողջ ընտանիքն իրար գլխի է հավաքվում: Ամանորի գիշերվա խորհրդանիշներից է նուռը, որը կեսգիշերին օրհնում էին: Այն նույնպես միասնականության, հավաքականության երկու սեռերի միավորման խորհրդանիշ է: «Ինչ վերաբերում է Ամանոր բառին, ապա այն հենց այնպես չէ ընտրված. ըստ Ագաթանգեղոսի՝ Ամանորը եղել է կին, որին սիրում էր Վանատուրը: Վանատուրն իր սերը խոստովանել է Ամանորին` նրան կարմիր խնձոր նվիրելով: Դրա համար էլ նախկինում ընդունված էր, որ աղջկա տուն կարմիր խնձոր տանեին հենց Ամանորի օրը»,- ասաց Ագուլեցին:

Նրա խոսքով՝ օտար սովորույթների՝ մեր միջավայր մտնելը մեծ մասամբ պայմանավորված է նրանով, որ մենք մեր իսկ ավանդույթները չգիտենք, չենք կարողանում դրանք պահպանել:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica