close
Եղանակը Երևանում
25 Ապրիլի 2018
+7°
+21°Ցերեկ
+8°Գիշեր
weather
close
Փոխարժեք
25 Ապր 2018
USD1480.13
GBP1670.45
EUR1587.25
RUB17.74
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ինչ դարձել եք ավագանի, ձեր հագուկապի մեջ ինչ-որ բան է փոխվել. Տարոն Մարգարյանը՝ «Երկիր ծիրանի»-ին

Քաղաքական

26 Դեկտեմբերի 2017, 16:08
 Ինչ դարձել եք ավագանի, ձեր հագուկապի մեջ ինչ-որ բան է փոխվել. Տարոն Մարգարյանը՝ «Երկիր ծիրանի»-ին

Այսօր Երևանի ավագանու նիստում քննարկվում է Երևան քաղաքի բյուջեն: «Երկիր ծիրանի» խմբակցության անդամ Սոնա Աղեկյանը դիմեց ՀՀ քաղաքապետ Տարոն Մարգարյանին՝ հարցնելով` այդ ինչպես է, որ «Յունիգրաֆ-իքսը» շարունակում է շուկայում մնալ միակ ընկերությունը, որը թափառող շների քնեցմամբ է զբաղվում` չնայած մի շարք խախտումներին:

«Ընկերությունը մասնավորապես շների քնեցումը կատարում է բավական դաժանաբար՝ ծանր մահակներով հարվածում են կենդանիների գլխին կամ էլ ներարկում «Լիդոկային», որն էլ ուղղակի դանդաղ տանջամահ է անում: Եկող տարի շան տարի է, և կոչ եմ անում՝ հարգանքով վերաբերվել մեր չորքոտանիներին՝ հաշվի առնելով նաև այն փաստը, որ ամեն ինչ ունի բումերանգի էֆեկտ»,- ասաց Աղեկյանը:

«Երկիր ծիրանի»-ի անդամներից Մարինե Խաչատրյանն էլ նշեց, որ 2017-ին ահռելի գումար է ծախսվել գրասենյակային կոստյումներ ձեռք բերելու համար: «Գուցե Տարոն Մարգարյանը բրենդային կոստյումներ է գնել՝ գրասենյակային կոստյումներ անվան տակ»,- նշեց նա:

Ի պատասխան քաղաքապետ Տարոն Մարգարյանը նշեց, որ երբ հայտարարում են ՀՀԿ-ի հագուկապի մասին, թող իրենց էլ նայեն: «Ինչ դարձել եք ավագանի, ձեր հագուկապի մեջ ինչ-որ բան է փոխվել, ձեր քայլվածքի ու սանրվածքի մեջ: Հերիք է: Երբ չեք տիրապետում մի բանի, դատարկ խոսելով` չի կարելի առաջ գնալ»,- ասաց նա: 

Այս բաժնի այլ նորությունները
Ամենաշատ ընթերցվածները
Yandex.Metrica