close
Եղանակը Երևանում
18 Հունվարի 2018
-1°
+5°Ցերեկ
-2°Գիշեր
weather
close
Փոխարժեք
18 Հնվ 2018
USD1482.99
GBP1666.33
EUR1591.13
RUB18.53
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Վերանորոգվող բոլոր հուշարձանների մոտ կտեղադրվեն 3 առցանց տեսախցիկներ

Մշակույթ

22 Դեկտեմբերի 2017, 15:25
 Վերանորոգվող բոլոր հուշարձանների մոտ կտեղադրվեն 3 առցանց տեսախցիկներ

Այսօր տարեվերջյան ամփոփիչ ասուլիսում ՀՀ մշակույթի նախարար Արմեն Ամիրյանն անդրադարձավ նաև հուշարձանների վերականգնման, ամրացման աշխատանքներին: Նախարարը նշեց, որ այս տարի բացթողում են ունեցել՝ 7 հուշարձանների վերանորոգումն ավարտին չհասցնելու տեսքով: Մեղավորը, ըստ Ամիրյանի, հիմնականում շինարարներն են: «Նաև ընթացակարգերի պատճառով էր, որ շինարարության ժամկետների մեջ չտեղավորվեցին, քանի որ հայտարարված մրցույթի մասնակից կազմակերպություններից մեկի բողոքի պատճառով շինարարության մեկնարկի ժամկետը ձգձգվեց մինչև սեպտեմբեր, իսկ շինարարները 6 ամսվա ընթացքում չէին կարող իրականացնել այդ ամբողջ ծավալը: Բացի այդ` թերացումներ կային շինարարների կողմից»,- ասաց նա:

Հիշեցնենք, որ նախարարը լրագրողների հետ այցելել էր վերականգնվող եկեղեցիներ՝ տեղում աշխատանքներին ծանոթանալու:  

Ամիրյանը տեղեկացրեց, որ շինարարների հետ պայմանավորվածություն է ձեռք բերվել, որ 2018-ի տարեսկզբից մինչև հունիսի 1-ը պետք է ավարտեն այս տարվա շինարարության ծավալները, քանի որ հունիսի 1-ից կմեկնարկեն 2018-ի աշխատանքները: Իհարկե, կլինեն հուշարձաններ, որոնց շինարարական աշխատանքները կշարունակվեն, օրինակ` Գոշավանքի պարագայում, այն ընդգրկված է թե' 2017-ին, թե' 2018-ին վերանորոգվող հուշարձանների ցուցակում:

«Խիստ սահմանափակ ժամկետներում շինարարները կպարտավորվեն որակյալ աշխատանք ապահովել: Բացի այդ՝ շինարարական կազմակերպություններին պարտավորեցվել է վերանորոգվող բոլոր հուշարձանների մոտ տեղադրել 3 առցանց տեսախցիկներ, և բոլորը կարող են հետևել դրանց ամենօրյա աշխատանքներին: Խստացվել է նաև հեղինակային և տեխնիկական վերահսկողությունը: Առաջիկա ամիսների ընթացքում ականատեսը կլինենք, թե ինչպես են ընթանում աշխատանքները»,- ասաց նախարարը: 

Գնաճի մասին...
17 Հունվարի 2018, 14:46 Գնաճի մասին...

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica