close
Եղանակը Երևանում
23 Մարտի 2019
-2°
+3°Ցերեկ
-3°Գիշեր
weather
close
Փոխարժեք
23 Մար 2019
USD1485.86
GBP1636.57
EUR1549.22
RUB17.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

2018-ին Հայաստանում կինոթատրոններ կբացվեն

Մշակույթ

22 Դեկտեմբերի 2017, 14:38
 2018-ին Հայաստանում կինոթատրոններ կբացվեն

2018-ին առաջնահերթ խնդիր է լինելու նոր կինոթատրոնների ստեղծումը:. տարեվերջյան ամփոփիչ ասուլիսում հայտարարեց ՀՀ մշակույթի նախարար Արմեն Ամիրյանը:

Նախարարի խոսքով՝ հայկական կինոյի զարգացման համար շատ կարևոր է նաև սպառման ցանցի ընդլայնումը: «Այս հարցում առաջին ծիծեռնակը եղավ Գյումրիում «Հոկտեմբեր» կինոթատրոնի բացումը: Այնտեղ զուգահեռ ցուցադրվում են այն ֆիլմերը, ինչ Երևանում: Մենք խորապես համոզված ենք, որ տեղական կինոյի զարգացումը, որակի բարելավումը կախված է սպառման ցանցի ընդլայնումից: 4-5 կինոթատրոնով հայաստանյան ֆիլմի համար կարողանում ենք ապահովել 80 մլն դրամի շահույթ, որի կեսը հարկերն են, մյուս կեսը՝ ծախսերը: Իսկ եթե շահ չկա, ֆիլմը չի կարող զարգանալ»,- ասաց Ամիրյանը:

Նա տեղեկացրեց նաև, որ կինոյի բյուջեից 30 տոկոսն ուղղվելու է դեբյուտներին: Ըստ Ամիրյանի` ավելի շատ հնարավորություններ պետք է տան երիտասարդներին, ինչպես նաև նոր առաջարկները կյանքի կոչելուն: «Կինոդպրոցի բյուջեն ուղղել ենք պետություն-մասնավոր համագործակցությանը և ստացել շատ լավ արդյունք՝ ունենք 6 դեբյուտային առաջարկ, որոնցից մեկն արդեն գեղխորհուրդն ընդունել է, և 2018-ի ընթացքում այն կյանքի կկոչվի: Մենք ուզում ենք կինոյի ոլորտին նոր շունչ հաղորդել»,- ասաց նախարարը:

Ինչ վերաբերում է «Կինոյի մասին» օրենքին, նախարարն ասաց, որ կինոգործիչների բողոքին, թե օրենքը ֆինանսական խնդիրները չի լուծում, պետք է պատասխանի, որ կինոյի օրենքը չի կարող ֆինանսավորում ապահովել, այն կազմակերպելու գործառույթ ունի: «Օրենքը մշակելիս ուսումնասիրվել է միջազգային փորձը, և հաշվի են առնվել բոլոր խնդիրները: Նախարարությունը պատրաստ է քննարկել օրենքի վերաբերյալ այն առաջարկները, որոնք կարող են նպաստել հայկական կինոյի զարգացմանը»,- նշեց Ամիրյանը:

Բիգ Բենը կփոխի գույնը
22 Մարտի 2019, 13:34 Բիգ Բենը կփոխի գույնը
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica