close
Եղանակը Երևանում
15 Հոկտեմբերի 2018
+21°
+23°Ցերեկ
+12°Գիշեր
weather
close
Փոխարժեք
15 Հոկ 2018
USD1485.28
GBP1638.00
EUR1562.25
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կատարյալ ծաղրանք. Հայ Դատը դատապարտել է Էրդողանի հրահրած հարձակումն իրականացնողների պատիժը մեղմելու առաջարկը

Աշխարհ

22 Դեկտեմբերի 2017, 13:20
 Կատարյալ ծաղրանք. Հայ Դատը դատապարտել է Էրդողանի հրահրած հարձակումն իրականացնողների պատիժը մեղմելու առաջարկը

Ամերիկայի Հայ Դատի հանձնախմբի գործադիր տնօրեն Արամ Համբարյանը, ով ականատես է եղել մայիս 16-ին մայրաքաղաք Վաշինգտոնում Թուրքիայի նախագահ Ռեջեփ Թայիփ Էրդողանի հրահանգով ցուցարարների վրա իրականացված հարձակմանը, խստորեն դատապարտել է հարձակման երկու մասնակցի վերաբերյալ դատախազության նախնական համաձայնությունը, ըստ որի՝ հնարավոր է մեղմվի նրանց հասանելի պատիժը:

Ըստ Asbarez-ի՝ հարձակումն ատելության հիմքով իրականացված լինելը վերացնելով՝ դատախազությունը հնարավոր է կայացնի դատապարտյալներին ընդամենը մեկ տարով բանտարկելու որոշում:

«Նման վայրագ և ամբարտավանորեն իր հանցանքը չընդունող օտար կառավարության առաջնորդությամբ՝ ամերիկյան հողի վրա և ամերիկացիների դեմ իրականացված հարձակման համար մեկ տարվա ազատազրկման պատիժը կատարյալ ծաղրանք է մեր արդարադատության համակարգին»,- հայտարարել է Համբարյանը՝ ավելացնելով, որ տեղի ունեցածը ամերիկացիների դեմ ատելության հստակ դրսևորում է եղել, իսկ հարձակումը՝ ամերիկյան արժեքներին հասցեագրված:

«Եթե նման վճիռ լինի, ապա արտոնություն տված կլինենք Էրդողանին և օտար միապետերին, որ իրենց բռնարարքները արտածեն դեպի ամերիկյան հողերը»,- ասել է Համբարյանը՝ նշելով, որ ամբաստանյալները կարող էին մինչև 15 տարվա ազատազրկման դատապարտվել իրենց բարբարոսական հարձակումների համար:

Դատավճիռը կկայացվի մարտի 15-ին:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica