close
Եղանակը Երևանում
12 Դեկտեմբերի 2018
+5°
+10°Ցերեկ
+2°Գիշեր
weather
close
Փոխարժեք
12 Դեկ 2018
USD1485.12
GBP1608.05
EUR1549.84
RUB17.31
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Քայլեր եմ անում, որպեսզի Պիսակոյի գործերը 2018-ին ցուցադրենք Հայաստանում. Արման Ծատուրյան

Մշակույթ

20 Դեկտեմբերի 2017, 14:45
 Քայլեր եմ անում, որպեսզի Պիսակոյի գործերը 2018-ին ցուցադրենք Հայաստանում. Արման Ծատուրյան

Այս տարի Հայաստանի ազգային պատկերասրահի առաջին հարկի սրահները նորոգվել են, ինչի վրա ծախսվել է 28 մլն դրամ: Այսօր տարեվերջյան ամփոփիչ ասուլիսի ժամանակ ասաց Հայաստանի ազգային պատկերասրահի տնօրեն Արման Ծատուրյանը:

Նա նշեց նաև, որ 2018-ին պատրաստվում են վերանորոգել պատկերասրահի 4-րդ և 6-րդ հարկերը՝ ոչ պետբյուջեի հաշվին: «Առաջին հարկի վերանորոգման համար հիմնական գումարը տվել է IDEA հիմնադրամը. նրանք մեզ մոտ ցուցադրություն էին ուզում ունենալ, մենք էլ ասացինք, որ գումար պետք չէ, փոխարենը թող վերանորոգեն: Ընդհանուր առմամբ, վերանորոգվել է 850 քմ տարածք, իսկ 2018-ին կվերանորոգվի ևս 1500 քմ: Կարծում եմ՝ ամեն տարի եթե մեկ հարկ էլ վերանորոգենք, լուծելով նաև սենյակների ջեռուցման, օդափոխման խնդիրը, մեծ աշխատանք կտարվի»,- ասաց Ծատուրյանը:

Հարցին, թե խոսակցություններ կան, որ պատկերասրահին այլ տարածք են տալու, այդ դեպքում շինարարական աշխատանքներն ավելո՞րդ չեն, նա պատասխանեց, որ դրանք ընդամենը խոսակցություններ են, իսկ եթե կյանքի կոչվեն, միևնույն է, տարածքը պատմության թանգարանին է մնալու: «Ինձ համար պատկերասրահն ամեն ինչ է, սակայն պատմության թանգարանն ամենակարևորն է: Ուստի, եթե մեզ այլ տարածք տան, ի՞նչ է եղել, թող սա էլ ծառայի պատմության թանգարանին»,- նշեց պատկերասրահի տնօրենը:

Նա նշեց նաև, որ, բացի այդ, 2018-ին նախատեսում են միջազգային մակարդակի հասցնել պատկերասրահի անվտանգությունը, ինչին տանող քայլեր արդեն արել են՝ տեղադրելով տեսախցիկներ: Ծատուրյանի խոսքով՝ ինքը կախարդական փայտիկ չունի, որ բոլոր խնդիրները միանգամից լուծի, այդ պատճառով էլ տարեցտարի է փորձում ցանկալի արդյունքին հասնել:

«2018-ին նախատեսում ենք նաև Լևոն Թութունջյանի գործերի ցուցադրությունն իրականացնել: Մի մեծ ցանկություն էլ ունեմ՝ Պիկասոյի գործերի ցուցադրություն՝ Հայաստանում: Անկեղծ ասած՝ ցուցադրություն կազմակերպելը թանկ հաճույք է, մանավանդ՝ նկարների տեղափոխման հարցը,: Մենք այսօր մի քանի բանկերի հետ փորձում ենք բանակցություններ վարել, որ մեզ ֆինանսավորեն: Պետք է ասեմ, որ ԱՄՆ-ի թանգարաններից մեկի հետ արդեն իսկ պայմանավորվածություն կա Պիկասոյի նկարները Հայաստան տեղափոխելու վերաբերյալ»,- հայտնեց Ծատուրյանը: 

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica