close
Եղանակը Երևանում
19 Նոյեմբերի 2018
+2°
+10°Ցերեկ
+0°Գիշեր
weather
close
Փոխարժեք
19 Նմբ 2018
USD1485.09
GBP1624.17
EUR1554.26
RUB17.37
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ամոթ կլիներ, որ ՀԱԿ-ում տարակարծություն չլիներ

Հարցազրույց

19 Հոկտեմբերի 2011, 10:40
 Ամոթ կլիներ, որ ՀԱԿ-ում տարակարծություն չլիներ

ՀԱԿ անդամ Զոյա Թադեւոսյանի համար ԲՀԿ-ն զավեշտալի կուսակցություն է, «Ժառանգությունն» էլ` եսիմ ինչ: Երկու տարի առաջ «Ժառանգությունից» հեռացված Թադեւոսյանը նախկին կուսակցության մասին խոսել անգամ չի ուզում, էլ ուր մնաց խանդի: «Որեւէ մեկը խանդոտ չի վերաբերվում 5 հոգու դիրքորոշմանը, խանդել կարելի է կուսակցությանը, այնպիսի կուսակցությանը, որն էլեկտորատ ունի,- լրագրողների հետ հանդիպման ժամանակ հայտարարեց «Ժառանգության» նախկին, ներկայիս ՀԱԿ անդամը: Թադեւոսյանի խորին համոզմամբ, «Ժառանգությունն» այլեւս էլեկտորատ չունի, իսկ նման պատկեր, ըստ նրա, ստեղծվեց այն պահից, «երբ կուսակցությունը պառակտվեց, երբ Զոյա Թադեւոսյանին հեռացրին կուսակցությունից»: Երկու տարի առաջ «Ժառանգության» կրած «դառը կորուստը» մի կողմ թողած` «Երկիրը» Զոյա Թադեւոսյանին ուղղեց ներքաղաքական մի քանի հարցեր:

 

- Տիկին Թադեւոսյան, ձեր ասուլիսի ժամանակ հայտարարեցիք, թե արաբական սցենարի կրկնությունը մեր երկրում պահանջում է հասարակությունը: Այնպիսի տպավորություն է, թե դա դուք եք ուզում, ուղղակի հասարակության վրա եք գցում...

 

- Այո, ժողովուրդը կողմնակից է գնալ այդ ճանապարհով, բայց ՀԱԿ-ը կատեգորիկ մերժում է այդ ճանապարհը: Ինչո՞ւ ժողովուրդը ՀԱԿ-ի հանրահավաքներին չի գալիս, որովհետեւ ժողովուրդն այսպես է մեկնաբանում. «մենք գալիս ենք, դուք էլի հետ եք ուղարկում»:

 

- Իսկ պատրա՞ստ է ՀԱԿ-ը ժողովրդի աչքից էլի ընկնել հանուն նրա, որ արաբական սցենարը մեզ մոտ չկրկնվի:

 

- Ժողովրդի աչքից ընկնել-չընկնելու խնդիրը մեծ հաշվով ինձ չի տանջում, ինձ տանջում է այն խնդիրը, որ այս երկիրն իսկապես կործանվում է:

 

- Իսկ եթե ժողովուրդն իրոք պահանջի ձեր նշած այդ սցենարը, տեղի կտա՞ք:

 

- Ժողովրդի պահանջը ժողովուրդն է պահանջում, եթե ժողովուրդը մի օր դարձավ անկառավարելի, ես չգիտեմ՝ ինչ կլինի...

 

- Հոկտեմբերի 28-ի համար ի՞նչ սցենար եք կանխատեսում:

 

- Ես չեմ կանխատեսում, դրանք կոնկրետ հարցեր են, որոնք քննարկվում են քաղխորհրդի նիստում եւ նոր վերջնական որոշման տեսք ստանում:

 

- Ասում են՝ ՀԱԿ-ի ներսում էլ որոշումներ կայացնելիս լուրջ տարաձայնություններ են առաջանում. ոմանք ավելի ըմբոստ են, ոմանք ավելի հանդուրժող...

 

- Ամեն տեղ է այդպես: Ինչպե՞ս կարող է մի մեծ հանրություն միավորող կառույցում տարաձայնություն չլինել, ամոթ էլ կլիներ: Ես կարծում եմ, որ տարակարծությունը պարտադիր է:

 

- Եվ ինչի՞ շուրջ է այդ տարակարծությունը:

 

- Օրինակ, մի մասը համաձայն էր, որ հանրահավաքը դադարեցնեինք, մի մասն էլ կտրականապես դեմ էր դրան:

 

- Ի վերջո, ի՞նչ զարգացումների սպասենք:

 

- Մենք սցենարների մասին չենք մտմտում, սցենարները օրակարգից դուրս են, սցենարը կախված է ժողովրդի համախմբվածությունից եւ վճռականությունից: Ինչ կլինի՝ կտեսնեք...

 

- Այսինքն, օրինակ, չի բացառվում, որ Տեր-Պետրոսյանն ասի՝ օ, իմ ժողովուրդ, ի՞նչ եք ուզում. ժողովուրդն էլ իբր որոշի ինչ է ուզում:

 

- Ինչու եք այդպես վերաբերվում մեր հանրահավաքներին: Ամեն մի հանրահավաք քաղաքական լուրջ դպրոց է, այդտեղ կարելի է գալ ու հասկանալ, թե ինչ է իրականում այս երկրում տեղի ունենում, համախմբվել ՀԱԿ-ի շուրջ եւ վստահ լինել, որ այլեւս չի լինելու այսպիսի Հայաստան:

 

- Տիկին Թադեւսյան, պահանջում եք Սերժ Սարգսյանի հրաժարականը, դուք ձեր ասածին հավատո՞ւմ եք, մի՞թե կարծում եք, թե նախագահն, իրոք, հրաժարական կտա:

 

- Ես լավատես եմ:

 

 

Ագնեսա ԽԱՄՈՅԱՆ

Սպասվում են տեղումներ
19 Նոյեմբերի 2018, 18:01 Սպասվում են տեղումներ
ՊԵԿ-ը պարզաբանում է
19 Նոյեմբերի 2018, 16:55 ՊԵԿ-ը պարզաբանում է
Պուտինը Ստամբուլում է
19 Նոյեմբերի 2018, 16:07 Պուտինը Ստամբուլում է
Կառավարության նիստն` ուղիղ
19 Նոյեմբերի 2018, 15:06 HES_VIDEOԿառավարության նիստն` ուղիղ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica