close
Եղանակը Երևանում
15 Հոկտեմբերի 2018
+21°
+23°Ցերեկ
+12°Գիշեր
weather
close
Փոխարժեք
15 Հոկ 2018
USD1485.28
GBP1638.00
EUR1562.25
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ռուսական ԶԼՄ-ների արձագանքը ՀՀ-ԵՄ համաձայնագրին էմոցիոնալ և գռեհիկ էր. ռուսաստանցի պատգամավոր

Քաղաքական

19 Դեկտեմբերի 2017, 13:30
 Ռուսական ԶԼՄ-ների արձագանքը ՀՀ-ԵՄ համաձայնագրին էմոցիոնալ և գռեհիկ էր. ռուսաստանցի պատգամավոր

ՌԴ Պետդումայի պատգամավոր, ԱՊՀ երկրների ինստիտուտի ղեկավար Կոնստանտին Զատուլինն Արցախյան խնդրի կարգավորման գործընթացում առաջիկայում որևէ լուրջ առաջխաղացում չի տեսնում:

«Sputnik Արմենիա»-ում կայացած տեսակամրջի ժամանակ ռուսաստանցի պատգամավորը հայտարարեց, որ հակամարտության գոտուց վատ լուրերի բացակայությունն արդեն իսկ լավ նորություն է` հաշվի առնելով 2016-ի ապրիլյան դեպքերը: Նրա խոսքով՝ Ադրբեջանի` ստատուս քվոն փոխելու ցանկությունը ոչ միայն ոչ մեկի աջակցությունը չի ստացել, այլև քննադատվել է:

«Այն, որ մենք խնդրի կարգավորման ուղղությամբ առաջընթաց չենք տեսնում, կապված է նրա հետ, որ Հայաստանն ու Ադրբեջանն ունեն տրամագծորեն տարբեր դիրքորոշումներ: Իմ տեսակետն այն է, որ Լեռնային Ղարաբաղը երբեք չի կարող պատկերացնել իր գոյությունն Ադրբեջանի կազմում, այս փաստի հետ վաղ, թե ուշ պետք է համակերպվել, սակայն Ադրբեջանը չի ցանկանում հաշտվել դրա հետ»,- պատասխանելով Yerkir.am-ի հարցին` ասաց Զատուլինը:

«Կարծում եմ, որ խնդրի կարգավորման համար երկար ժամանակ է անհրաժեշտ: Ես և իմ գործըներները ներկայումս աշխատում ենք այն ուղղությամբ, որ իրավիճակը դարձյալ չսրվի: Սա թերևս մեր գլխավոր դիրքորոշումն է»,- ասաց նա:

Անդրադառնալով ԵՄ-Հայաստան համապարփակ և ընդլայնված գործընկերության մասին համաձանագրի ստորագրմանը, ռուսաստանցի պատգամավորը նշեց. «Ռուսաստանն իրավունք չունի պահանջելու Հայաստանից, որպեսզի նա ռուսամետ քաղաքականություն վարի, Հայաստանը վարում է հայամետ քաղաքականություն»:

Զատուլինի խոսքով՝ նոր համաձայնագիրն էապես տարբերվում է այն համաձայնագրից, որը Հայաստանը պատրաստվում էր  ստորագրել 2013-ին: «Այս համաձայնագրում խոսք չկա ազատ առևտրի գոտու ստեղծման մասին»,- ասաց նա:

Խոսելով համաձայնագրի ստորագրումից առաջ և դրանից հետո ռուսաստանյան ԶԼՄ-ներում տեղ գտած տարաբնույթ մեկնաբանությունների մասին` Զատուլինը նշեց, որ արձագանքը եղել է շատ էմոցիոնալ, որոշ դեպքերում` անգամ գռեհիկ, ինչի համար, ըստ նրա,  իրականում հիմքեր չկային:

Ըստ պատգամավորի՝ Հայաստանում պետք է հանգիստ վերաբերվեն այդ արձագանքներին, ինչպես Ռուսաստանում են հանգիստ վերաբերվել այն բանին, որ, օրինակ, Հայաստանի ԱԺ-ում քննարկվել է ԵՏՄ-ից դուրս գալու հարցը:

Խոսելով Ռուսատանի կողմից Ադրբեջանին զենք վաճառելու քաղաքականության մասին` Զատուլինն ասաց. «Ռուսական կուրատորները ժամանակին անզգուշություն են ցուցաբերել Ադրբեջանին զենք վաճառելու հարցում: Հաշվի չէին առնվել Ադրբեջանի ագրեսիվությունն ու նրա կողմից արվող հայտարարությունները: Ռուսաստանն արդեն եզրակացություններ արել է: Հայտնի է, որ, Ադրբեջանին զենք վաճառելուց բացի, Հայաստան են մատակարարվել նորագույն զինատեսակներ՝ վարկով և շատ հարմար պայմաններով` տարածաշրջանում հավասարակշռությունն ապահովելու համար»:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica