close
Եղանակը Երևանում
18 Հունվարի 2018
-1°
+5°Ցերեկ
-2°Գիշեր
weather
close
Փոխարժեք
18 Հնվ 2018
USD1482.99
GBP1666.33
EUR1591.13
RUB18.53
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եթե հաղթեմ, նոր սերնդին «ծանր կացության» մեջ եմ դնելու. Տիգրան Մանսուրյանը՝ «Գրեմմի» ստանալու մասին

Մշակույթ

15 Դեկտեմբերի 2017, 12:57
 Եթե հաղթեմ, նոր սերնդին «ծանր կացության» մեջ եմ դնելու. Տիգրան Մանսուրյանը՝ «Գրեմմի» ստանալու մասին

Տեղեկացրել էինք, որ երեկ կոմպոզիտոր Տիգրան Մանսուրյանի և դիրիժոր Կոնստանտին Օրբելյանի՝ «Գրեմմի» երաժշտական մրցանակաբաշխությանը ներկայացված լինելու առթիվ երեկ Ալ. Սպենդիարյանի անվան օպերայի և բալետի ազգային ակադեմիական թատրոնի ճեմասրահում տեղի ունեցավ հանդիսավոր ընդունելություն:

Yerkir.am-ի հարցին, թե այդ տարիքում, երբ մի շարք մրցանակներ է ստացել, հաղթանակն ի՞նչ արժեք ունի իր համար, Մանսուրյանը պատասխանեց, որ բացարձակապես չի ուզում ո'չ սպասել, ո'չ հուսալ: «Այնպես որ՝ ասեմ, թե այդ առիթով ապրումներ ունեմ, մի քիչ չափազանցված կլինի, ուղղակի ուրախ եմ, որ երկու հայ նոմինացվել է «Գրեմմի»-ի: Հնարավոր է՝ չլինի, իհարկե, բայց գիտեք ինչ՝ կյանքը այնպիսի բան է, լինում է, որ ստացվում է, լինում է՝ չի ստացվում, պետք է երկու ուղղությամբ էլ լինել սթափ, հանդուրժող: Գերադասելին, իհարկե, ստանալն է»:

Մաեստրոն նշեց նաև, որ իր տարիքում, սովորաբար, այնպես է լինում, որ մրցույթների նկատմամբ հետաքրքրությունը նվազում է: «Ես տարեց մարդ եմ արդեն, սրանք երիտասարդության տարիքի անսպասելի մեծ ուրախություններ են: Հասկանո՞ւմ եք` նույն բանը չէի զգա, եթե երիտասարդ լինեի: Իմ հաղթանակը… Եթե ես հաղթեմ հիմա, գիտեմ, որ մեր նոր սերնդին «ծանր կացության» մեջ եմ դնելու, քանի որ նրանք պետք է աշխատեն, որ իրենք էլ հասնեն դրան, որովհետև դա արդեն նվաճված է, պետք է չափվեն այդ բարձր ձեռքբերումով»:

Մաեստրոն իր խոսքն ամփոփեց՝ ասելով, որ չի ուզում ո՛չ սպասել, ո՛չ հուսալ:

Հիշեցնենք, որ Մանսուրյանի «Ռեքվիեմ» ստեղծագործությունը ներկայացված է «Գրեմմի»-ի երկու անվանակարգերում՝ «Լավագույն երգչախմբային ներկայացում» և «Լավագույն ժամանակակից դասական ստեղծագործություն»: Իսկ Օրբելյանը երգիչ Դմիտրի Խվորոստովսկու հետ «Գրեմմի»-ի թեկնածու է «Լավագույն դասական սոլո վոկալ ալբոմ» անվանակարգում ներկայացված «Սվիրիդով. հեռացող Ռուսաստան» սկավառակի համար։

Գնաճի մասին...
17 Հունվարի 2018, 14:46 Գնաճի մասին...

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica