close
Եղանակը Երևանում
23 Հոկտեմբերի 2018
+13°
+18°Ցերեկ
+9°Գիշեր
weather
close
Փոխարժեք
23 Հոկ 2018
USD1484.35
GBP1629.32
EUR1556.13
RUB17.42
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ի՞նչ կոչերով է հանդես եկել ահաբեկչության նախապատրաստման մեջ մեղադրվողը. լուսանկարներ

Իրավունք

14 Դեկտեմբերի 2017, 11:08
 Ի՞նչ կոչերով է հանդես եկել ահաբեկչության նախապատրաստման մեջ մեղադրվողը. լուսանկարներ

Այսօր ԱԱԾ-ն հայտարարություն է տարածել ազգությամբ հայ` ԱՄՆ քաղաքացի Ռ.Ք.-ի վերաբերյալ, որի ցուցումներով և միջոցներով ՀՀ տարածքում ահաբեկչական գործողություններ պետք է նախապատրաստվեին:

«ԱԱԾ-ի կողմից իրականացված օպերատիվ-հետախուզական միջոցառումների և քննչական գործողությունների արդյունքում պարզվել է, որ ազգությամբ հայ, ԱՄՆ քաղաքացի Ռ.Ք.-ն 2017 թվականի սեպտեմբերին «Ֆեյսբուք» սոցիալական ցանցում գրանցել է «Martin Avagyan» օգտատիրոջ կեղծ տվյալներով անհատական էջը, որի միջոցով հրապարակել է նյութեր` «Մարտիկներ հանուն արդարության» անվանմամբ խմբավորում ձևավորելու, խմբավորման գործունեության մարտավարության, դրա անդամների կարգապահության, անվտանգության և գաղտնապահության կանոնների մասին: Նույն ժամանակահատվածում նշված անհատական էջի միջոցով տարածվել են նաև Հայաստանի Հանրապետության իրավապահ և այլ պաշտոնատար անձանց նկատմամբ բռնություն գործադրելու, պայթյուններ, հրկիզումներ իրականացնելու և այդ եղանակով համընդհանուր վախի մթնոլորտ ձևավորելու ուղղակի կոչեր»,- ասված է ԱԱԾ-ի տարածած հայտարարության մեջ:

Նշենք, որ Martin Avagyan օգտատիրոջ էջում զետեղված են ՊՊԾ գնդի գրավմանը հաջորդած բողոքի ակցիաների ընթացքում ցուցարարների հետ բախումների ժամանակ աչքի ընկած` ոստիկանության պաշտոնյաների լուսանկարներ, և կոչ է արվում «պարտիզանական պայքարի միջոցով մարտնչել» այդ անձանց դեմ:

Ահա գրառումներից մի քանիսը. «Հարկավոր է ամեն գնով վախի մթնոլորտը տեղափոխել հակաազգային իշխանութիւների դաշտ։ Հիմա մեզ հարկավոր են նույնիսկ փոքր թվով գործողություններ, որպեսզի ժողովրդի մեջ արթնացնենք հույսը։ Հաղթահարել վախի պատնեշը, կազմել առավելագոյնս 2 հոգանոց պարտիզանական ջոկատներ։ Որպես զենք օգտագործել ցանկացած ձերքի տակ ընկած իր…»:

Ֆեյսբուքյան էջում առկա են նաև «Սասնա ծռեր» խմբի անդամներից մի քանիսի, Արթուր Սարգսյանի՝ Հաց բերողի լուսանկարները, նրանց խոսքերից մեջբերումներ, նրանց մասին նյութերի տարածում և այլն:

Վերջին հրապարակումներից մեկում կեղծ օգտատերը հրապարակել է ՀՀԿ խմբակցության պատգամավոր Հակոբ Հակոբյանի լուսանկարն ու գրել. «Ժողովուրդը, արժանապատվությունից ելնելով, պետք է քեզ ու քո նմաններին անկյուններում բռներ ու սատկացներ, համ չէիք համարձակվի էշ-էշ դուրս տալ, համ էլ քո նման տականքները վախից էլ չէիք ուզի պատգամավոր դառնալ։ Հարկավոր է վառել սրանց տներն, մեքենաներն և բիզնեսները»: Հակոբ Հակոբյանի լուսանկարին կից օգտատերը ներկայացրել է նաև բենզինով պայթուցիկի՝ Մոլոտովի կոկտեյլի պատրաստման եղանակը:

Ուշագրավ է, որ կեղծ օգտատիրոջ գրառումները տարբեր քաղաքացիների կողմից ակտիվորեն տարածվում են «Ֆեյսբուք»-ում:

Ես ազգայնական եմ. Թրամփ
23 Հոկտեմբերի 2018, 11:54 Ես ազգայնական եմ. Թրամփ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica