close
Եղանակը Երևանում
21 Հուլիսի 2018
+31°
+32°Ցերեկ
+20°Գիշեր
weather
close
Փոխարժեք
21 Հլս 2018
USD1480.62
GBP1625.72
EUR1560.16
RUB17.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մովսես Հակոբյանը փորձում է դիրքերն ամրացնել

Քաղաքական

7 Դեկտեմբերի 2017, 11:40
 Մովսես Հակոբյանը փորձում  է դիրքերն ամրացնել

ԶՈՒ գլխավոր շտաբի պետի տեղակալի պաշտոնից գեներալ-լեյտենանտ Հայկազ Բաղմանյանի ազատման լուրը հանրության շրջանում լուրջ աժիոտաժ չառաջացրեց: Նրա հնարավոր պաշտոնանկության մասին վերջին մեկ տարվա ընթացքում մամուլը մեկ անգամ չէ, որ գրել է: Դեռևս մայիսին խոսակցություններ կային, որ պաշտոնից կազատվեն գլխավոր շտաբի պետի տեղակալներից երկուսը՝ Հայկազ Բաղմանյանը եւ Ստեփան Գալստյանը:

Հայտնի է նաև, որ Հայկազ Բաղմանյանի փոխարեն նոր տեղակալ չի նշանակվի, քանի որ նրա հաստիքը կրճատվել է:

Մեզ հասած տեղեկությունների համաձայն՝ ԶՈՒ գլխավոր շտաբում հաստիքների կրճատման գործում խառն է նաեւ գլխավոր շտաբի պետի Մովսես Հակոբյանի մատը: Նշանակումից հետո նրան այդպես էլ չհաջողվեց իր տեղակալներին փոխարինել յուրայիններով: Փոխարենը Մովսես Հակոբյանը ցանկանում է կառուցվածքային փոփոխությունների լույսի ներքո կրճատել տեղակալների հաստիքներն ու միանձնյա իրականացնել գլխավոր շտաբի կառավարումը: Սակայն հարկ է նշել, որ, ի տարբերություն Հայկազ Բաղմանյանի, մյուս երկու տեղակալներին ազատելու գործընթացն այնքան էլ հեշտ չի լինի:

Գլխավոր շտաբի պետի ներկայիս տեղակալներից Օնիկ Գասպարյանը, ըստ էության, վայելում է բոլորի հարգանքը: Ստեփան Գալստյանն էլ նախկինում աղմկահարույց պատմությունների կիզակետերում չի հայտնվել, քաղաքական հարցերում զուսպ կեցվածք ունի:

Մեզ հասած տեղեկություններով՝ գլխավոր շտաբի պետի երկու տեղակալները դեռ կշարունակեն պաշտոնավարել. Սերժ Սարգսյանն առայժմ նրանց պաշտոնանկ անելու մտադրություն չունի: Հնարավոր է իրավիճակը փոխվի 2018-ին, երբ ամբողջությամբ ուժի մեջ մտնի նոր Սահմանադրությունը:

Նշենք, որ գործող օրենսդրությամբ՝ գլխավոր շտաբի պետին և նրա տեղակալներին նշանակում կամ ազատում է հանրապետության նախագահը: Համաձայն նոր Սահմանադրության՝ զինված ուժերի զինվորական ամենաբարձր պաշտոնատար անձը գլխավոր շտաբի պետն է, որին վարչապետի առաջարկությամբ նշանակում է հանրապետության նախագահը՝ օրենքով սահմանված ժամկետով: Ոչ պատերազմական ժամանակ գլխավոր շտաբի պետը ենթակա է պաշտպանության նախարարին: Զինված ուժերի ենթակայության, ղեկավարման, ինչպես նաև այլ մանրամասներ սահմանվում են օրենքով:

Օդի ջերմաստիճանը կնվազի
21 Հուլիսի 2018, 18:00 Օդի ջերմաստիճանը կնվազի
7 օր` առաջնագծում
21 Հուլիսի 2018, 13:55 7 օր` առաջնագծում

Այս բաժնի այլ նորությունները
Ամենաշատ ընթերցվածները
Yandex.Metrica