close
Եղանակը Երևանում
22 Հունվարի 2018
-1°
+7°Ցերեկ
-1°Գիշեր
weather
close
Փոխարժեք
22 Հնվ 2018
USD1481.96
GBP1670.60
EUR1591.90
RUB18.52
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ակնկալում ենք ավելի արդյունավետ փոփոխություններ. Աղվան Վարդանյան

Քաղաքական

6 Դեկտեմբերի 2017, 11:36
 Ակնկալում ենք ավելի արդյունավետ փոփոխություններ. Աղվան Վարդանյան

ԱԺ-ում քննարկվում է 2018 թվականի բյուջեի նախագիծը: ՀՅԴ խմբակցության անունից ելույթ ունեցավ խմբակցության քարտուղար Աղվան Վարդանյանը: Նա նշեց, որ բյուջեի նախնական տարբերակի շուրջ իրենց տեսակետը հայտնել են:

«Ասել ենք, որ դիտարկում ենք բյուջեն իբրև տնտեսական զարգացման հիմքեր ստեղծող, որոշ չափով գոտիները ձգող և հետագա զարգացումներին պատրաստվող: Կա վստահություն կառավարության բարեփոխումների նկատմամբ: Լիահույս ենք, որ նույնիսկ այս տարվա նախատեսված տնտեսական ցուցանիշներն ավելին կլինեն և հնարավորություն կտան եկող տարի իսկապես այնպիսի հիմքեր ստեղծելու, որոնք կդառնան նաև սոցիալական լարվածությունը մեղմելու, սոցիալական լուրջ ծրագրեր իրականացնելու և, ընդհանրապես, երկիրը որակական նոր մակարդակի բերելու հնարավորություն»,- ասաց պատգամավորը:

Նա նշեց, որ, գիտակցելով բյուջեի լարվածությունը, ծանրաբեռնվածությունը, առկա խնդիրները, ՀՅԴ-ն շատ սահմանափակ առաջարկություններ է ներկայացրել:

«Այս ընթացքում քննարկել ենք կառավարության հետ, ինչի մասին նախարարն իր խոսքում ասաց: Վստահ ենք` այն առաջարկությունները, որոնք հրատապ են, որոնք վերաբերում են առաջին հերթին սահմանամերձ շրջաններին, գոնե 50%-ը 2018 թվականի բյուջեով կամ բյուջեից դուրս հնարավոր է լինելու իրականացնել, այնպես որ` մեր վստահությունը շարունակվում է, և մենք ակնկալում ենք ավելի արդյունավետ փոփոխություններ»,- եզրափակեց Վարդանյանը:

Իրավիճակը՝ շփման գծում
20 Հունվարի 2018, 14:22 Իրավիճակը՝ շփման գծում

Այս բաժնի այլ նորությունները
Ամենաշատ ընթերցվածները
Yandex.Metrica