close
Եղանակը Երևանում
21 Հուլիսի 2018
+26°
+32°Ցերեկ
+20°Գիշեր
weather
close
Փոխարժեք
21 Հլս 2018
USD1480.62
GBP1625.72
EUR1560.16
RUB17.58
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հանդիսավոր միջոցառում՝ նվիրված մարշալ Հովհաննես Բաղրամյանի 120-ամյակին

Հասարակություն

5 Դեկտեմբերի 2017, 22:53
 Հանդիսավոր միջոցառում՝ նվիրված մարշալ Հովհաննես Բաղրամյանի 120-ամյակին

Դեկտեմբերի 5-ին պաշտպանության նախարար Վիգեն Սարգսյանը ներկա է գտնվել Խորհրդային Միության մարշալ, ԽՍՀՄ կրկնակի հերոս Հովհաննես Բաղրամյանի ծննդյան 120-ամյակին նվիրված միջոցառմանը:

Մարշալի անունը կրող պողոտայում անցկացված հանդիսավոր միջոցառմանը ներկա են գտնվել նաև ՀՀ գլխավոր դատախազը, ՀՀ ԶՈՒ բարձրաստիճան սպաներ, Հայրենական մեծ պատերազմի վետերաններ, ռազմաուսումնական հաստատությունների կուրսանտներ։ Միջոցառման ընթացքում հնչած ելույթներում անդրադարձ է կատարվել Հովհաննես Բաղրամյան անհատի կերպարին, ականավոր զորահրամանատարի անցած փառահեղ մարտական ուղուն և կերտած հաղթանակներին: Առանձնահատուկ կարևորվել են ԽՍՀՄ կրկնակի հերոսի հրամանատարությամբ մշակված և անթերի իրականացված գործողությունները, որոնք մեծագույն ներդրում են ունեցել ֆաշիստական Գերմանիայի նկատմամբ հաղթանակի կերտման գործում:

ՀՀ պաշտպանության նախարար Վիգեն Սարգսյանը, շնորհավորելով ներկաներին մարշալ Հովհաննես Բաղրամյանի ծննդյան տարեդարձի առթիվ, ընդգծել է, որ հայազգի զորահրամանատարը հաղթանակի խորհրդանիշ է, որը ներդաշնակել է համաշխարհային և ազգային արժեքները և ստացած փայլուն ռազմական կրթությամբ ու զինվորական հարուստ կենսափորձով հաջողության լավագույն օրինակ է յուրաքանչյուր կուրսանտի և սպայի համար։

Նախարարը ներկաներին տեղեկացրել է, որ Վազգեն Սարգսյանի անվան ռազմական համալսարանի հրամանատարաշտաբային ֆակուլտետն անվանակոչվելու է Հովհաննես Բաղրամյանի անունով:

Հանդիսավոր միջոցառումը եզրափակվել է կուրսանտների երթով: Ավելի ուշ տեղի է ունեցել ԽՍՀՄ կրկնակի հերոսին նվիրված հուշ երեկո, որի ընթացքում ներկայացվել են մարշալ Բաղրամյանի անցած ուղին և կատարած սխրանքները, ցուցադրվել է զորահրամանատարի մասին պատմող տեսաֆիլմ:

Օդի ջերմաստիճանը կնվազի
21 Հուլիսի 2018, 18:00 Օդի ջերմաստիճանը կնվազի
7 օր` առաջնագծում
21 Հուլիսի 2018, 13:55 7 օր` առաջնագծում

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica