close
Եղանակը Երևանում
21 Հոկտեմբերի 2018
+17°
+21°Ցերեկ
+11°Գիշեր
weather
close
Փոխարժեք
21 Հոկ 2018
USD1483.80
GBP1630.39
EUR1554.58
RUB17.37
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Միայն դժոխքից են դեպի դրախտ կամուրջ կառուցում. Թովմասյանը անեկդոտ հիշեց

Քաղաքական

5 Դեկտեմբերի 2017, 16:06
 Միայն դժոխքից են դեպի դրախտ կամուրջ կառուցում. Թովմասյանը անեկդոտ հիշեց

Խորհրդարանում «Ճարտարապետական գործունեության մասին» օրենքի նախագծի` երկրորդ ընթեցմամբ քննարկման ժամանակ հանրապետական պատգամավոր Հրայր Թովմասյանը նշեց, որ մեզանից յուրաքանչյուրն այս կամ այն կերպ առնչվել է այս խնդրին, երբ, նայելով Երևանի տարբեր շենքերի, մտքում ինչ-որ բաներ է ասել ճարտարապետների հասցեին: Պատգամավորը նշեց, որ, չլինելով ճարտարապետ, այդուհանդերձ, առաջարկություններ է ներկայացրել:

«Նախագիծը կյանքի կոչվելու պարագայում էականորեն կկարգավորվեն այն խնդիրները, որոնք կան. նախագիծը գալիս է լուծելու այն խնդիրները, թե ինչ անկախությամբ օժտված կլինի և ինչպես կհամադրվի պետական քաղաքականության և անկախ այս մասնագիտական մարմնի համագործակցությունը, և սրա արդյուքում կստանանք ճիշտ լուծումներ»,- ասաց Թովմասյանը:

Նա նաև ճարտարապետների մասին անեկդոտ հիշեց: «Երբ որոշվում է դրախտը դժոխքին միացնող կամուրջ կառուցել, տեսնում են, որ միայն դժոխքից են, կամուրջ կառուցելով, եկել, ասում են, որ դրախտում ճարտարապետներ չկան: Ներողություն եմ խնդրում իմ բարեկամ բոլոր ճարտարապետներից, ես հուսով եմ` այս օրենքի ընդունումը կնպաստի, որ այդ շինարարությունը, եթե կա, երկու կողմից լինի»,- ասաց Թովմասյանը:

Հիմնական զեկուցող` քաղաքաշինության պետական կոմիտեի նախագահ Նարեկ Սարգյսյանը նշեց, որ, ըստ էության, Թովմասյանը համահեղինակ է, և ի պատասխան անեկդոտի` նշեց, որ աշխարհի ամենահին արձաններից մեկը Հին Եգիպտոսում է` ճարտարապետի արձան է, որին աստվածացրել են, քանի որ բուրգերից մեկի հեղինակն է: «Աստվածացնել պետք չէ, բայց դժոխք ուղարկել էլ պետք չէ»,- ասաց նա:

Սպասվում է անձրև
20 Հոկտեմբերի 2018, 18:00 Սպասվում է անձրև
7 օր առաջնագծում
20 Հոկտեմբերի 2018, 14:30 7 օր առաջնագծում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica