close
Եղանակը Երևանում
18 Հունվարի 2018
-1°
+5°Ցերեկ
-2°Գիշեր
weather
close
Փոխարժեք
18 Հնվ 2018
USD1482.99
GBP1666.33
EUR1591.13
RUB18.53
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Մինչև 3 տարեկան երեխայի դայակի ծառայությունների 50%-ը կփոխհատուցի պետությունը

Հասարակություն

5 Դեկտեմբերի 2017, 15:35
 Մինչև 3 տարեկան երեխայի դայակի ծառայությունների 50%-ը կփոխհատուցի պետությունը

ԱԺ-ն երկրորդ ընթերցմամբ քննարկում է «Զբաղվածության մասին» ՀՀ օրենքում փոփոխություն և լրացումներ կատարելու մասին նախագիծը: Հիմնական զեկուցող ՀՀ Աշխատանքի և սոցիալական հարցերի նախարար Արտեմ Ասատրյանի խոսքով` օրենքը վերաբերում է երեք տարեկան երեխայի խնամքի արձակուրդում գտնվող աշխատանք փնտրող անձին. ՀՀ կառավարության սահմանված կարգով` մինչև երեխայի երկու տարին լրանալը աշխատանքի վերադառնալու դեպքում նա ունի երեխայի խնամքն աշխատանքին զուգահեռ կազմակերպելու համար աջակցության իրավունք:

Ըստ նախարարի` եթե մայրը մինչև երեխայի երկու տարին լրանալը աշխատանքի վերադառնալու որոշում է կայացնում, առաջանում է երեխայի խնամքի խնդիր: Այդ պարագայում նա կարող է, որպես գործատու, երեխայի համար դայակ վարձել կամ տանել վճարովի մանկապարտեզ:

«Այդ դայակի աշխատավարձի 50 տոկոսը կփոխհատուցվի, սակայն ոչ ավելի, քան նվազագույն աշխատավարձն է` 55 հազար դրամ: Օրինակ` եթե մայրը դայակի հետ 110 հազար դրամից ավելի աշխատավարձ է պայմանավորվել, պետությունը կփոխհատուցի 55 հազար դրամը, որովհետև ասում ենք, որ նվազագույն աշխատավարձից ավելի փոխհատուցումը չի լինի»,- նշեց նախարարը:

Ըստ նրա` օրենքն ուժի մեջ է մտնում 2018 թվականի հունվարի 1-ին:

Գնաճի մասին...
17 Հունվարի 2018, 14:46 Գնաճի մասին...

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica