close
Եղանակը Երևանում
16 Հոկտեմբերի 2018
+16°
+21°Ցերեկ
+11°Գիշեր
weather
close
Փոխարժեք
16 Հոկ 2018
USD1485.28
GBP1638.00
EUR1562.25
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Խորհրդարանը ևս մերժեց «Ելք»-ի` ԵԱՏՄ-ից դուրս գալու առաջարկը

Քաղաքական

5 Դեկտեմբերի 2017, 10:42
 Խորհրդարանը ևս մերժեց «Ելք»-ի` ԵԱՏՄ-ից դուրս գալու առաջարկը

ԱԺում մեկնարկել է հերթական քառօրյան: Առաջին քննարկվող հարցն էր «Ելք» խմբակցության կողմից ներկայացված` ԵԱՏՄ-ից Հայաստանի դուրս գալու նախաձեռնությունը:

Հիշեցնենք, որ ԱԺ արտաքին հարաբերությունների մշտական հանձնաժողովը հարցը մերժել էր, սակայն այն պետք է ներկայացվեր ԱԺ լիագումար նիստի քննարկմանը:

Ելույթով հանդես եկավ «Ելք» խմբակցության պատգամավոր Էդմոն Մարուքյանը, ով նշեց, որ իրենց այն առաջարկությունը` ստեղծել ժամանակավոր հանձնաժողով, մերժվել էր, և հիմա կմերժվի նաև այս նախագիծը: Նա ընդգծեց, որ դա իրազեկող և թացն ու չորը տարբերակող նախաձեռնություն է:

«Երբ մարդիկ հունվարի 1-ից կբախվեն թանկացումներին, կհիշեն, որ խորհրդարանում «Ելք» խմբակցությունը նման նախաձեռնություն ուներ, իսկ մյուս երեք խմբակցությունները դեմ էին: Եթե ԵԱՏՄ անդամակցությունը բարեբեր է մեր երկրի համար, և եթե ՀՀ-ն դրանով շարժվում է առաջ, ապա դուք կարող էիք կողմ լինել, ստեղծվեր հանձնաժողովը, և ձեր մասնագետներով կապացուցեիք, որ դուք ճիշտ եք, և որ այդ համաձայնագիրը ՀՀ-ի շահերից է բխում»,- հայտարարեց պատգամավորը՝ միևնույն ժամանակ ընդգծելով, որ չկա մի վերլուծություն, թե ԵԱՏՄ-ն լավ է Հայաստանի համար:

Պատգամավորի խոսքով` ահաբեկմամբ էր քննարկվում իրենց նախաձեռնությունը: «Ահաբեկում էիք, թե` սա կլինի, նա կլինի, եթե դուրս գանք ԵԱՏՄ-ից: Ձեր կողմից հակառուսական տրամադրություններ են երկրում տարածվել, իսկ մեր նախաձեռնության մեջ նման բան չկար: Մեր քննարկման նպատակն այն էր, որ Ռուսաստանը պետք է այստեղ տեսնի զարգացող և իր համար հզոր դաշնակից, սակայն հիմա նման բան չկա»,- նշեց Մարուքյանը:

Գլխադասային հանձնաժողովի նախագահի տեղակալ Հերմիեն Նաղդալյանն էլ ասաց, որ արտաքին հարաբերությունների հանձնաժողովի նիստում հարցը քննարկվել է, բոլոր փաստարկները ներկայացվել են, իսկ այն փաստարկները, որ բերված են հիմնավոր չեն: «Չկա վերլուծություն, որ թանկացումները ԵԱՏՄ-ի հետ են կապված, չկա ցուցիչ, որ ներդրումների պակասեցումն ու այլ փաստարկներն ուղղակիորեն կապված են ԵԱՏՄ-ին ասոցացման հետ»,- ընդգծեց նա:

Նախագիծը մերժվեց ձայների` 6 կողմ, 76 դեմ, 0 ձեռնպահ հարաբերակցությամբ:

Վարման կարգով ելույթ ունեցավ ՀՀԿ խմբակցության պատգամավոր Սամվել Ֆարմանյանը և նշեց, որ ԵՄ-ի և ԵԱՏՄ-ի արհեստական հակադրումը չի բխում Հայաստանի շահերից:

Մարուքյանն էլ արձագանքեց, որ իրենց խմբակցությունը ոչինչ չի հակադրում: «Դուք մտածեք այն մասին, որ կարագն էնքան եք թանկացրել, որ մարդիկ կարագ են դնում բանկ` վարկ վերցնելու համար»,- ասաց պատգամավորը:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica