close
Եղանակը Երևանում
18 Հունիսի 2018
+27°
+28°Ցերեկ
+17°Գիշեր
weather
close
Փոխարժեք
18 Հնս 2018
USD1482.59
GBP1639.29
EUR1559.61
RUB17.62
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Սպասված մենահամերգ՝ Երևանում. Եվգենի Կիսինը՝ «Երևանյան հեռանկարների» հյուր

Մշակույթ

4 Դեկտեմբերի 2017, 15:21
 Սպասված մենահամերգ՝ Երևանում. Եվգենի Կիսինը՝ «Երևանյան հեռանկարների» հյուր

Դեկտեմբերի 27-ին «Երևանյան հեռանկարներ» փառատոնի շրջանակներում Երևանում համերգով հանդես կգա անվանի ռուս դաշնակահար Եվգենի Կիսինը: Համերգային ծրագրում կհնչեն Բեթհովենի և Ռախմանինովի գործերից:

Կիսինն առաջին անգամ Հայաստան է այցելել 1984-ին, իսկ 1988-ին` երկրաշարժից հետո, նա բազմաթիվ բարեգործական համերգներ է կազմակերպել` գումարները փոխանցելով  երկրաշարժից տուժածներին: 2012-ին Կիսինը կրկին Հայաստանում էր՝ բարեգործական համերգով՝ կրկին «Երևանյան հեռանկարներ» փառատոնի շրջանակներում: Դաշնակահարի` Հայաստան հենց առաջին իսկ այցից հետո էլ ծնվել է սերը Հայաստանի հանդեպ:

Երաժիշտը հայտնի է իր հայամետ հայացքներով: Նա, օրինակ, 2015-ին Ցեղասպանության զոհերի հիշատակին նվիրված համերգով հանդես եկավ: Ավելին՝ Հայաստանում լրագրողների հետ հանդիպման ժամանակ հայտարարեց, որ քանի դեռ Թուրքիան չի ճանաչում Հայոց ցեղասպանությունը, չի պատրաստվում այցելել այնտեղ, թեև ստանում է բազմաթիվ հրավերներ:

Ավելի ուշ՝ 2015-ի դեկտեմբերին, New York Times-ի հետ զրույցում Կիսինն ասել էր. «Իմ անձնական համոզմունքն է, որ եթե  երաժիշտներից շատերը հրաժարվեն ելույթ ունենալ  Թուրքիայում, այնտեղ կհասկանան, որ ժողովուրդը  տուժում է իր ղեկավարների արարքներից, ինչն էլ կխթանի կիրթ մտածելակերպով մարդկանց առավել տեղեկացվածությունը»:

Կիսինն արժանացել է երկու «Գրեմմի»-ի և բազմաթիվ այլ պարգևների, բայց, երաժշտի խոսքով, դրանցով այդքան էլ չի հետաքրքրվում: «Անկեղծ ասած` չգիտեմ էլ, իմ ստացած մրցանակներից բացի, ինչ մրցանակներ  կան: Իհարկե, կան մրցանակներ, որոնք թանկ են. հայկական մրցանակները, երբ դարձա Սպիտակի պատվավոր քաղաքացի»:

Ուշագրավ է այն հանգամանքը, որ այս տարվա գարնան էլ Կիսինն ամուսնացավ հայուհու հետ:

2012 թվականին ՀՀ նախագահի հրամանագրով Կիսինը պարգևատրվել է Պատվո շքանշանով: 

Եղանակն՝ առաջիկա օրերին
18 Հունիսի 2018, 18:00 Եղանակն՝ առաջիկա օրերին

Այս բաժնի այլ նորությունները
Ամենաշատ ընթերցվածները
Yandex.Metrica