close
Եղանակը Երևանում
16 Հոկտեմբերի 2018
+17°
+21°Ցերեկ
+11°Գիշեր
weather
close
Փոխարժեք
16 Հոկ 2018
USD1485.28
GBP1638.00
EUR1562.25
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Նոր ներկայացում. Ստանիսլավսկու թատրոնի բեմ կբարձրանա Միշել Տիբոյի «Իդեալական տղամարդը»

Մշակույթ

1 Դեկտեմբերի 2017, 12:24
 Նոր ներկայացում. Ստանիսլավսկու թատրոնի բեմ կբարձրանա Միշել Տիբոյի «Իդեալական տղամարդը»

Դեկտեմբերի 1-ին և 2-ին Կոնստանտին Ստանիսլավսկու անվան ռուսական դրամատիկական թատրոնի բեմ կբարձրանա Միշել Տիբոյի «Իդեալական տղամարդը» ներկայացումը, որի բեմադրությունն իրականացրել է դերասանուհի Վերոնիկա Սարոյանը: Այս մասին տեղեկացնում են թատրոնի մամուլի և հասարակայնության հետ կապերի բաժնից:

Դերասանուհու խոսքով՝ Տիբոյի գործն առաջին անգամ է բեմադրվում Երևանում: «Պիեսի գլխավոր ասելիքը սերն է, հանուն որի մի շարք խոչընդոտներ են հաղթահարում ներկայացման հերոսները: Վերջում սերը հաղթում է, իսկ տառապանքները մնում են անցյալում: Պատահական գտա այդ գործը համացանցում, և այն ինձ միանգամից գրավեց: Պիեսի ընթերցման ժամանակ հստակ պատկերացրի ներկայացման տեսարանները, երաժշտությունն ու երգերը: Ի դեպ, խոսքերն ինքս եմ գրել և դիմեցի ռիսկի… Սա իմ առաջին լուրջ փորձն է ռեժիսուրայում. մինչ այդ երկու գործ եմ բեմադրել «Մենք հաղթեցինք» և «Ջուլիետ» մոնոներկայացումը»,-ասում է Սարոյանը:

Ըստ նրա` հետաքրքիր լուծումներ են գտել. «Պետք է ասեմ, որ համատեղ աշխատանքի շնորհիվ ստացվեց երաժշտական ներկայացում: Այն դուր կգա և´ տղամարդկանց, և´ կանանց: Ի դեպ, մեզ մոտ դերասանները կենդանի են երգում. այդպես ավելի տպավորիչ է բեմական խաղը: Մեր ներկայացումն ունի երջանիկ ավարտ»:

Նշենք, որ ներկայացման մեջ զբաղված են թատրոնի առաջատար և երիտասարդ դերասանները:


Լուսանկարը` Ալեքսանդր Գրիգորյանի

Երկրաշարժ` Ադրբեջանում
16 Հոկտեմբերի 2018, 10:44 Երկրաշարժ` Ադրբեջանում
Ուժեղ երկրաշարժ` Չինաստանում
16 Հոկտեմբերի 2018, 10:30 Ուժեղ երկրաշարժ` Չինաստանում
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica