close
Եղանակը Երևանում
17 Հոկտեմբերի 2018
+19°
+21°Ցերեկ
+9°Գիշեր
weather
close
Փոխարժեք
17 Հոկ 2018
USD1483.90
GBP1635.94
EUR1559.68
RUB17.38
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Հայաստանը կամուրջ կդառնա ԵՄ-ի և ԵԱՏՄ-ի միջև. Վաչե Գաբրիելյան

Քաղաքական

1 Դեկտեմբերի 2017, 12:05
 Հայաստանը կամուրջ կդառնա ԵՄ-ի և ԵԱՏՄ-ի միջև. Վաչե Գաբրիելյան

Խորհրդարանում մեկնարկած` «Հայաստան-ԵՄ համապարփակ եւ ընդլայնված գործընկերություն» թեմայով խորհրդարանական լսումների ժամանակ ՀՀ փոխվարչապետ Վաչե Գաբրիելյանը նշեց, որ այս համաձայնագիրը շատ խոշոր ձեռքբերում է մեզ համար և կնպաստի Հայաստանի քաղաքական, տնտեսական զարգացմանը, երկրում ժողովրդավարության ամրապնդմանը: Նրա խոսքով` համաձայնագիրը խթան կդառնա ԵՄ-ի հետ հետագա համագործակցության համար:

«Մենք հնարավորություն ունենք զարգացնելու մեր հարաբերությունները թե' ԵԱՏՄ-ի և թե' ԵՄ-ի հետ: Թեպետ սա առևտրային համաձայնագիր չէ, բայց տնտեսական հաարաբերությունների կանոնակարգումներ ևս կան այս համաձայնագրով: Ամենակարևորը  մեր եվրոպացի գործընկերների հետ կա երկկխոսության հնարավորություն այդ ոլորտում ևս»,- ընդգծեց փոխվարչապետը:

Բացի այդ` Գաբրիելյանը նշեց, որ այս համաձայնագրով Հայաստանը կարող է դառնալ միջնորդ ԵՄ և ԵԱՏՄ կառույցների միջև: «Սա հնարավորություն կտա մերձեցնելու այդ երկու կառույցների փոխգործակցության հնարավորությունները, Հայաստանը կլինի այն առաջամարտիկը, որն այստեղ մեծ դեր կկատարի»,- շեշտեց նա:

Փոխվարչապետը նաև նշեց, որ համաձայնագրով Հայաստանի գիտնականների, ուսանողների, տնտեսվարողների համար կստեղծվեն լայն հնարավորություններ, ինչպես նաև մյուս ինստիտուցիոնալ կառույցների բարեփոխումներին կհաղորդեն նոր թափ ու ազդակ:

Գաբրիելյանը հիշեցրեց, որ Բրյուսելում նախաստորագրվել է նաև Հայաստանի` եվրոպական միացյալ ավիատարածքին միանալու համաձայնագիրը, և դա ևս կարևոր է ՀՀ հաղորդակցման ուղիների ընդլայնման հնարավորության համար: «Դա խիստ կարևոր է` դրա արդյունքում ընձեռված նաև տնտեսական հնարավորությունների տեսակետից: Մենք վստահ ենք` շատ շուտով այն ևս կիրագործվի: Նախաստորագրումը նշանակում է, որ ՀՀ-ն խնդիրներ չի տեսնում և պատրաստ է համագործակցել նաև այդ ոլորտում»,- ասաց նա:

Ամփոփելով խոսքը` Գաբրիելյանն ընդգծեց, որ համաձայնագիրը կարևոր է Հայաստանի հետագա զարգացման համար:

Եղանակն՝ առաջիկա օրերին
17 Հոկտեմբերի 2018, 18:00 Եղանակն՝ առաջիկա օրերին
Էրեբունիում 8 ժամ ջուր չի լինի
17 Հոկտեմբերի 2018, 12:23 Էրեբունիում 8 ժամ ջուր չի լինի
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica