close
Եղանակը Երևանում
18 Հուլիսի 2018
+30°
+31°Ցերեկ
+17°Գիշեր
weather
close
Փոխարժեք
18 Հլս 2018
USD1480.30
GBP1626.02
EUR1558.49
RUB17.62
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Որոշումը իմպերատիվ ազդեցություն չի կարող ունենալ ղարաբաղյան կոնֆլիկտի կարգավորման վրա. Շարմազանով

Քաղաքական

29 Նոյեմբերի 2017, 22:29
 Որոշումը իմպերատիվ ազդեցություն չի կարող ունենալ ղարաբաղյան կոնֆլիկտի կարգավորման վրա. Շարմազանով

Այսօր տեղի ունեցավ ՀՀԿ ԳՄ հերթական նիստը, որից հետո ՀՀԿ խոսնակ Էդուարդ Շարմազանովը պատասխանեց լրագրողների հարցերին: Նա նախ նշեց, որ նիստում քննարկվել է օրեր առաջ Բրյուսելում ՀՀ-ԵՄ միջև կնքված համապարփակ և ընդլայնված համաձայնագիրը:

«Այս համաձայնագիրը բխում է ՀՀ շահերից: Մեկ անգամ չէ, որ ՀՀԿ ղեկավարն ասել է, որ Հայաստանում ժողովրդավարական արժեքները չունեն այլընտրանք, և մենք իրականացնելու ենք քաղաքականություն, որի առանցքում բացառապես ՀՀ պետական շահն է: Սա այն դեպքն է, երբ կարողացանք կյանքի կոչել «և-և»-ի քաղաքականություն: Սա որևէ մեկին դեմ չէ, սա հանուն է: Հայաստանը ապացուցեց, որ հնարավոր է զարգացնել դաշնակցային հարաբերություններ Ռուսաստանի հետ, խորացնել հարաբերությունները ՀԱՊԿ-ի և ԵՏԱՄ-ի հետ, և ունենալ փաստաթուղթ, որը բխում է Հայաստանի ժողովրդավարացման հեռանկարից:Այս փաստաթուղթը ապացուցում է, որ Հայաստանը կարող է լինել կամուրջ եվրոպակա և եվրասիական երկրների միջև»-ասաց Շարմազանովը:

ՀՀԿ խոսնակն անդրադարձավ Սեւծովյան տնտեսական համագործակցության Խորհրդարանական վեհաժողովին նիստին, որտեղ Հայաստանի պատվիրակությունը բոյկոտել է նիստը` կոչ անելով կառույցը չծառայեցնել որոշ պետությունների քաղաքական շահերին: Նշենք, որ Վեհաժողովի հիսուներորդ հոբելյանական նիստի սկզբում ներկա բոլոր պատվիրակությունների ղեկավարները Խորհրդարանական վեհաժողովի գլխավոր քարտուղարի եւ Ուկրաինայի պատվիրակության ղեկավարի նախաձեռնությամբ առանձնացել են եւ ինչ-որ հարց քննարկել, որին սակայն չեն հրավիրել միայն մեր պատվիրակության ղեկավարին: Սա հայկական պատվիրակությունը որակել է իբրեւ վիրավորանք եւ որպես բողոքի նշան՝ լքել Վեհաժողովի դահլիճը: Այնուհետեւ պարզվել է, որ վերոհիշյալ քննարկման արդյունքում հռչակագրի մեջ տարածաշրջանում առկա հակամարտությունների մասով փոփոխություն է մտցվել, որն ամբողջովին հակասում է միջազգային իրավունքի՝ ուժի եւ ուժի սպառնալիքի չկիրառման, տարածքային ամբողջականության եւ ժողովուրդների ազատ ինքնորոշման իրավունքի համալիր սկզբունքին:

Շարմազանովի խոսքով` կառույցի ընդունած դեկլարացիան ոչ միայն չի բխում Հայաստանի շահերից, այլ նաև այն իրավական հիմքից, որը գոյություն ունի: Արցախի հարցը ունի իր ուրույն իրավական հիմքերը, այն չի կարելի համեմատել այլ կոնֆլիկտների հետ:Ընդունված որոշումը հակահայկական էր ու հակաիրավական, ըստ Շարմազանովի, և այն հակասում էր ԵՄ և ՄԽ պաշտոնական տեսակետներին:

«Իհարկե այդ որոշումը իմպերատիվ ազդեցություն չի կարող ունենալ ղարաբաղյան կոնֆիկտի կարգավորմանը,  բայց տհաճ է, քանի որ դա չի օժանդակում այդ կոնֆլիկտի խաղաղ կարգավորմանը»,- ասաց Շարմազանովը:

 

Բակում գյուրզա են գտել
18 Հուլիսի 2018, 11:55 Բակում գյուրզա են գտել
Գորիսում տուն է այրվել
17 Հուլիսի 2018, 23:26 Գորիսում տուն է այրվել
Արդեն ուշանում էինք
17 Հուլիսի 2018, 21:24 Արդեն ուշանում էինք

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica