close
Եղանակը Երևանում
19 Հոկտեմբերի 2018
+11°
+21°Ցերեկ
+12°Գիշեր
weather
close
Փոխարժեք
19 Հոկ 2018
USD1483.48
GBP1634.62
EUR1557.16
RUB17.38
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ո՞վ պետք է գնահատական տա, թե ես ոնց եմ ծառայել էս երկրին. Սամվել Բաբայան

Իրավունք

27 Նոյեմբերի 2017, 14:31
 Ո՞վ պետք է գնահատական տա, թե ես ոնց եմ ծառայել էս երկրին. Սամվել Բաբայան

Կենտրոն և Նորք-Մարաշ վարչական շրջանների ընդհանուր իրավասության դատարանում այսօր պաշտպանական ճառով հանդես եկավ ԼՂՀ Պաշտպանության բանակի նախկին հրամանատար Սամվել Բաբայանը:

Համաձայն մեղադրական եզրակացության՝ Սամվել Բաբայանը դրդել է մի խումբ անձանց, նախնական համաձայնությամբ, ապօրինի կերպով` ռազմամթերք հանդիսացող «Իգլա» տեսակի դյուրակիր զենիթահրթիռային համալիր ձեռք բերել, փոխադրել և պահել, ինչպես նաև փոխարկման արդյունքում հանցավոր ճանապարհով ստացված գույք ձեռք բերել:

Սամվել Բաբայանն այսօր իր ճառում հակադարձեց մեղադրող դատախազի՝ մեղադրանքը հիմնավորող փաստարակներին՝ նշելով, որ այն ամբողջությամբ հիմնված է եղել ենթադրությունների վրա: Նրա խոսքով՝ մեղադրողն իր ճառում որևէ տեղ չի անդրադարձել այն հանգամանքին, որ գործով ամբաստանյալներ Սանասար Գաբրիելյանը և Արմեն Պողոսյանը հրաժարվել են «Իգլա»-ի խողովակը ձեռք բերելու մտքից: «Անտրամաբանական է` եթե ապրանք չկար, ինչի՞ դիմաց ես պետք է փող տայի»,- նշեց նա:

Բաբայանը պատմեց, որ երբ քննիչն իրեն հարցրել է «Իգլա»-ի հրթիռի մասին, ինքը նրան պատասխանել է, որ դա ընդամենը հրթիռի մի մասնիկ է՝ խողովակ: ««Իգլա»-ն ինձ հետ որևիցե կապ չունի, իմ դեմ որևէ փաստ չկա»,- ասաց նա՝ հերթական անգամ շեշտելով, որ ինքը հանցանք չի կատարել:

Անդրադառնալով փողերի լվացման մեղադրանքին` Բաբայանն ասաց, որ դրանում ևս որևէ հանցակազմ չկա, որ ընդամենն իրեն պարտք եղած գումարն են ուղարկել: Նրա խոսքով՝ թղթադրամներն ուղարկելու դեպքից 8 ամիս անց են միայն իրեն հարցրել փողերի լվացման մասին: «Առաջին իսկ րոպեից, երբ ինձ ձերբակալել են, ոչ մեկն ինձ չի հարցրել` որտեղից է այդ գումարը: Երբ հասկացել են, որ հրթիռի մեղադրանքը թույլ է, փողերի լվացումը քաշել-կապել են պոչին»,- ասաց ամբաստանյալը:

Այնուհետև Բաբայանն անդրադարձավ իր մասնագիտական գործունեությունն ու անցած ուղին կասկածի տակ դնողներին: «Եթե ինչ-որ մարդիկ կասկածում են իմ մասնագիտական գործունեության վրա, ասեմ, որ հրամանատար նշանակվել եմ 1992-ին, երբ Հայաստանի պաշտպանության նախարարը հրաժարական տվեց, իսկ Ղարաբաղի բանակի հրամանատարը Ջերմուկում բուժվում էր (խոսքը 1992 թվականի փետրվարի 29-ին ստեղծված ինքնապաշտպանական ուժերի (ԻՊՈՒ)-ի մասին է: Սամվել Բաբայանը ԻՊՈՒ-ի հրամանատար է նշանակվել 1992 թվականի հոկտեմբերին.-խմբ.)»,- ասաց նա:

Բաբայանն անդրադարձավ նաև իր հրամանատարության օրոք ազատագրված տարածքներին: «22400 տարածք է եղել, ես ձեզ հանձնել եմ 12700 ք.կմ: Իմ անմիջական ղեկավարության օրոք, կառավարման և տարբեր օպերացիաների արդյունքում, հակառակորդի 19 ինքնաթիռ ու 17 ուղղաթիռ է խոցվել, որից 10-ը «Իգլա»-ներով: Էդ դեպքում ո՞վ պետք է գնահատական տա, թե ես ոնց եմ ծառայել էս երկրին»,- հայտարարեց նա:

«Չեմ ուզում քաղաքականացնել, բայց դուք էլ մի' քաղաքականացրեք: Կարող եմ փաստեր բերել, որ ամաչեք, որ չգիտեք ձեր պատմությունը»,- խոսքն ուղղելով մեղադրող դատախազին` ասաց Բաբայանը:

«Ուղղակի կարելի է օրենքը թեթև շրջանցել, բայց չի կարելի օրենքը տրորել, թքել պետության վրա: Եթե ուզում եք պետություն դառնալ, սրանով հարց չեք լուծելու: Բաբայանը մի տարի ավելի նստի, մի տարի պակաս՝, դուք հարց չեք լուծի»,- եզրափակելով խոսքը` ասաց ԼՂՀ ՊԲ նախկին հրամանատարը:

Հիշեցնենք, որ մեղադրող դատախազ Արամ Արամյանը Սամվել Բաբայանի համար 7 տարվա ազատազրկում է պահանջում:

ՄԻՊ-ն այցելել է Բաղանիս
18 Հոկտեմբերի 2018, 21:14 ՄԻՊ-ն այցելել է Բաղանիս
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica