close
Եղանակը Երևանում
23 Սեպտեմբերի 2018
+22°
+24°Ցերեկ
+13°Գիշեր
weather
close
Փոխարժեք
23 Սեպ 2018
USD1482.44
GBP1637.06
EUR1564.60
RUB17.28
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Բժիշկների աղջիկները պատվաստվեցին պապիլոմայի դեմ

Հասարակություն

26 Նոյեմբերի 2017, 13:10
 Բժիշկների աղջիկները պատվաստվեցին պապիլոմայի դեմ

Այսօր Ծաղկաձորում իմունականխարգելման գործընթացի վերաբերյալ իրազեկման դասընթացի ավարտին պապիլոմա վիրուսի դեմ լրագրողների ներկայությամբ մի քանի աղջնակներ պատվաստվեցին: Պատվաստված բոլոր աղջիկներն էլ բժիշկների երեխաներ են:

Yerkir.am-ի հետ զրույցում Վարդանանց բժշկական կենտրոնի մանկաբուժական ծառայության ղեկավար Լիլիթ Մարությանը նշեց, որ երբ իմացել է` Հայաստանում պետք է սկսեն պատվաստել պապիլոմայի դեմ, որոշել է, որ իր դուստրը պետք է անպայմանորեն պատվաստվի:

«Լինելով մանկաբույժ և իմանալով` ինչ պատվաստումներ կան աշխարհում, որոնք պաշտպանում են երեխաներին, բայց, ցավոք, հասանելի չեն Հայաստանում, որոշեցի գոնե այս հնարավորությունից օգտվել: Ինչ վերաբերում է «Գարդասիլի» շուրջ պտտվող խոսակցություններին, ապա պետք է ասեմ, որ դրանք ուղղակի ապատեղեկատվություն են: Կան ապացուցված փաստեր, որ «Գարդալիսն» ամենևին էլ առասպելների հետ որևէ առնչություն չունի: Պարզ է, չէ, որ ոչ ոք` հանձինս ինձ, որպես մայր ու բժիշկ` չի ուզի վնասել իր երեխային»,-ասաց Մարությանը:

Նա նշեց նաև, որ բոլոր մայրերին հորդորում է` լսել ոչ թե ասեկոսեներին, այլ բժիշկների խորհրդին, հետևել ապացուցողական բժշկությանը: Հիշեցնենք, որ պապիլոմայի վիրուսն արգանդի վզիկի քաղցկեղի առաջացման պատճառ է: ՀՀ կառավարության որոշմամբ` դեկտեմբերի 1-ից կպատրաստվեն 16 000 13 տարեկան աղջիկներ:

Սպասվում է անձրև և ամպրոպ
22 Սեպտեմբերի 2018, 18:02 Սպասվում է անձրև և ամպրոպ
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica