close
Եղանակը Երևանում
16 Հոկտեմբերի 2018
+13°
+21°Ցերեկ
+11°Գիշեր
weather
close
Փոխարժեք
16 Հոկ 2018
USD1485.28
GBP1638.00
EUR1562.25
RUB17.40
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Եվրամիության Արևելյան գործընկերության գագաթաժողովի հռչակագրի տեքստը համաձայնեցված է

Քաղաքական

24 Նոյեմբերի 2017, 16:00
 Եվրամիության Արևելյան գործընկերության գագաթաժողովի հռչակագրի տեքստը համաձայնեցված է

Եվրամիության Արևելյան գործընկերության գագաթնաժողովի հռչակագրի տեքստը համաձայնեցված է: Ինչպես Բրյուսելից հաղորդում է «Արմենպրես»-ի թղթակիցը, լրագրողների հետ զրույցում այս մասին տեղեկացրեց Լատվիայի արտաքին գործերի նախարար Էդգարս Ռինկևիչսը:

«Չնայած Ռիգայի գագաթնաժողովի փորձը ցույց է տալիս, որ միշտ վերջին րոպեի անակնկալը չի բացառվում, երբ պետությունների և կառավարությունների ղեկավարները տրամադրված են ընդունել տեսքտը, սակայն վերջին պահին ինչ-որ բան է պատահում: Իմ ունեցած տեղեկություններով՝ բոլոր չհամաձայնեցված հարցերը համաձայնեցվել են, և հույս ունեմ, որ այս անգամ չի լինի որևէ անակնկալ փոփոխություն, և հռչակագիրը կընդունվի»,-ասաց Ռինկևիչսը:

Ակնկակվում է, որ հռչակագիրը կընդունվի և կհրապարակվի գագաթնաժողովի ավարտին: Ռինկևիչսը նկատեց, որ սառեցված հակամարտություններին վերաբերող հատվածներում համաձայնեցումները շատ բարդ են արվում, ինչպես ցույց է տվել Լատվիայի նախագահության փորձը 2015թվականին, սակայն այս տարի ևս հնարավոր է եղել կառուցողկան եղանակով հասնել բոլոր հարցերի համաձայնեցման: Բրյուսելը հյուրընկալել է Արևելյան գործընկերության անդամ պետությունների առաջնորդներին: Նոյեմբերի 24-ին նրանք մեկ հարկի տակ են հավաքվել՝ քննարկելու գործակցությունն առաջ մղելու հնարավորությունները: Արևելյան գործընկերության գագաթնաժողովի ավարտին կընդունվի արդյունքների ամփոփման հռչակագիր:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica