close
Եղանակը Երևանում
22 Հունվարի 2018
-1°
+7°Ցերեկ
-1°Գիշեր
weather
close
Փոխարժեք
22 Հնվ 2018
USD1481.96
GBP1670.60
EUR1591.90
RUB18.52
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Լավ է, որ Հայաստանում կառուցվեն նման դղյակներ. Բաղդասարյանը` պաշտոնյաների շքեղ առանձնատների մասին

Քաղաքական

20 Նոյեմբերի 2017, 15:14
 Լավ է, որ Հայաստանում կառուցվեն նման դղյակներ. Բաղդասարյանը` պաշտոնյաների շքեղ առանձնատների մասին

ԱԺ ՀՀԿ խմբակցության ղեկավար Վահրամ Բաղդասարյանն այսօր խորհրդարանում լրագրողների հետ զրույցում անդրադարձավ ընդդիմադիրների հնչեցրած այն հարցադրումներին, որ Մոնումենտում պաշտոնյաները դղյակներ են կառուցում:

Նա նշեց, որ լավ կառույցների նկատմամբ չի կարելի վատ տրամադրվել, բայց նաև պետք է ուսումնասիրվեն դրանք կառուցելու միջոցները: Պատգամավորի խոսքով` եթե օրինական միջոցներով են դղյակներ կառուցվում, ապա դրանում որևէ վատ բան չկա:

«Համենայն դեպս, մենք պետք է ոչ թե վատ ընդունենք լավ կառույցները, այլ պետք է ավելի շատ ուսումնասիրենք այդ հիմքերը: Եթե դրանք համապատասխան հայտարարագրեր ունեն և օրինականությանը համապատասխանում են, ինձ թվում է՝ լավ է, որ Հայաստանում կառուցվեն նման դղյակներ»,- ասաց նա:

Դիտարկմանը` ՀՀ-ն աղքատ երկիր է, մեր նման երկում պե՞տք է դղյակները շատանան, Վահրամ Բաղդասարյանը պատասխանեց, որ ամբողջ աշխարհում է այդպես, այսինքն՝ չի կարող բոլորի համար հավասար դաշտ լինել՝ կան և՛ հարուստներ, և՛ աղքատներ: «Նախ պետք է ուսումնասիրվի հարուստների հարստացման ճանապարհը, եթե օրինական է, ես դա նորմալ եմ ընդունում»,- նշեց նա:

Հարցին՝ այդ դեպքում ինչո՞ւ են միայն իշխանության ներկայացուցիչները դղյակ ունենում, Վահրամ Բաղդասարյանը պատասխանեց. «Եթե 90-ականներից մինչ օրս հետևեք, ապա կտեսնեք, որ փոփոխական է եղել իշխանությունն ու ընդդիմությունը, քանի որ բոլորը որոշ ժամանակ եղել են իշխանություն: Այդ գունապնակը բավականին հարուստ է եղել, հիմնական կառուցողներից ճնշող մեծամասնությունը կապ չունի իշխանության և քաղաքականության հետ: Այնտեղ կան անկախ մարդիկ, և նրանց թիվը շատ մեծ է: Ես սիրահար եմ շինարարության, ինձ համար շատ լավ է, որ գեղեցիկ լինի, բայց դրանց ճանապարհները պետք է ստուգվեն: Եթե նայում ենք, ապա պետք է նայել հավասար դաշտում, և հանրապետությունում պետք է ուսումնասիրել՝ չառանձնացնելով մի կտոր Մոնումենտից, մի կտոր` այլ տեղից»:

Պատգամավորը նշեց, որ հազարավոր գործարարներ գիտի, ովքեր բացարձակապես կապ չունեն իշխանության հետ, քաղաքականության հետ, նրանք բավականին մեծ կառույցների տեր են:

Հարցին` չի՞ կարծում, որ հայտարարագրերում խնդիր կա, որ դրանք ճիշտ չեն, ինչո՞ւ է հայտարարագրերը վկայակոչում, Բաղդասարյանը պատասխանեց. «Ի տարբերություն ձեզ, ես ուրիշների ունեցվածքը չեմ հաշվում, բայց դուք նշում եք մարդկանց անուններ, որ ամբողջ կյանքում եղել են բիզնեսի մարդիկ և բավականին պահանջված մենեջերներ: Եթե մեկ-երկու տարի արդեն քաղաքականության մեջ են, վերագրում եք, թե եկան իշխանության և նոր կառուցեցին դղյակներ: Օրինակ՝ ՊԵԿ նախագահը և վարչապետը պետական կառույցներում չեն եղել, անընդհատ բիզնեսով են զբաղվել»:

Պատգամավորն, այնուհետև, իր օրինակը բերեց՝ նշելով, որ ինքը 16 տարեկանից աշխատել է: «Իհարկե, ես չեմ համեմատվում ձեր ասած տրամաչափին, բայց, համենայն դեպս, 16 տարեկանից ես կառուցում եմ: Մենք 3 եղբայրներով կառուցում ենք, և կարող է մի տեղ տեսնեք, ասեք՝ նայեք ինչ շինություն ունի, որտեղի՞ց է»,- ասաց նա:

Իրավիճակը՝ շփման գծում
20 Հունվարի 2018, 14:22 Իրավիճակը՝ շփման գծում

Այս բաժնի այլ նորությունները
Ամենաշատ ընթերցվածները
Yandex.Metrica