close
Եղանակը Երևանում
19 Նոյեմբերի 2017
+6°
+13°Ցերեկ
+2°Գիշեր
weather
close
Փոխարժեք
19 Նմբ 2017
USD1486.78
GBP1644.89
EUR1574.01
RUB18.17
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գումարը, որ ուզում եք քերթել փոքր ու միջին բիզնեսից, ընդամենը ձեր մի քանի օրվա «պերերիվի» փողն է. Զոհրաբյան

Քաղաքական

14 Նոյեմբերի 2017, 17:52
 Գումարը, որ ուզում եք քերթել փոքր ու միջին բիզնեսից, ընդամենը ձեր մի քանի օրվա «պերերիվի» փողն է. Զոհրաբյան

ԱԺ հայտարարությունների ժամին ելույթ ունեցավ «Ծառուկյան» խմբակցության պատգամավոր Նաիրա Զոհրաբյանը: Նա նախ պատասխանեց ՀՀԿ-ական պատգամավոր Մարգարիտ Եսայանին, ով հայտարարել էր, որ առևտրականների խնդիրների բարձրաձայնումը «Ծառուկյան» խմբակցության պատգամավորների կողմից չափազանցված է, և շոու են դարձրել այդ խնդիրը:

«Առավոտյան այս հատվածից մի դժգույն ու անդեմ ձայն ներկայացրեց այս իշխանության ողջ մեխանիկան` պատահականություն: Այսպիսով` մարդիկ պատահաբար գալիս են ԱԺ, պատահաբար ԱԺ շենքի մոտ հանդիպում ցուցարարների և պատահաբար իմանում, որ մեր երկրում կան սոցիալական խավեր, որոնք ունեն դժգոհություն, որ մեր երկրում տևական ժամանակ է` փոքր և միջին ձեռներեցությամբ զբաղվողների նկատմամբ իրականացվում է հարկային տեռոր: Պատահական այս մարդիկ պատահաբար իմանում են, երևի, որ գործազրկությունը, արտագաղթը աղքատությունը խփել են բոլոր օլիմպիական ռեկորդները: Ինչո՞ւ է այդպես, որովհետև այդ մարդիկ են պատահական»,- պատասխանեց Զոհրաբյանը Եսայանին:

Պատգամավորը կրկնեց, որ իրենք թույլ չեն տալու այս երևույթը: ««Ծառուկյան» դաշինքը, ԲՀԿ-ն ունի այն ներուժը, որ թույլ չտա` մարդկանց քննեն, ինչ-որ անօրինական քննությունների ենթարկեն, այդ թվում` գնորդներին: Սա անթույլատրելի է»,- ասաց նա, ապա հավելեց. «Բյուջե եք ուզում լցնել, մենք ասացինք` գնացեք ձեր «գազային» դղյակների իրական պատմությունները ուսումնասիրեք»:

Զոհրաբյանը նշեց, որ խորհրդարանական հարթակն օգտագործելու են, հատ-հատ` անուններով, այդ ամենը բացահայտելու:

«Այն գումարը, որ ուզում եք քերթել փոքր ու միջին բիզնեսից, ընդամենը ձեր մի քանի օրվա պերերիվի փողն է: Դրանով դուք վստահաբար բյուջե չեք լցնելու»,- ասաց նա:

Պատգամավորն ընդգծեց, որ եթե գազի ու բենզինի ոլորտի, ինչպես նաև այլ ոլորտների չարաշահումները, որ եղել են, հետ բերենք, մեր պետական պարտքը զգալիորեն նվազելու է:

«Կանգ առեք, սոցիալական զգայուն խավը` փոքր և միջին ձեռներեցները, որոնք մի կերպ գոյատևում են, նրանց էլ մի' սարքեք, ճամպրուկը ձեռքին, «Զվարթնոց» օդանավակայանի հաճախորդ»,- ասաց Զոհրաբյանը, ապա հավելեց. «Եթե սա է ձեր քաղաքականությունը` չկա մարդ, չկա պրոբլեմ, ապա «Ծառուկյան» դաշինքը թույլ չի տալու ձեր այդ քաղաքականությունն իրականացնել»,- հայտարարեց Զոհրաբյանը:

Լավրովը Երևան է ժամանում
18 Նոյեմբերի 2017, 17:25 Լավրովը Երևան է ժամանում
Հրդեհ Արփի գյուղում
18 Նոյեմբերի 2017, 10:11 Հրդեհ Արփի գյուղում

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica