close
Եղանակը Երևանում
19 Նոյեմբերի 2017
+6°
+13°Ցերեկ
+2°Գիշեր
weather
close
Փոխարժեք
19 Նմբ 2017
USD1486.78
GBP1644.89
EUR1574.01
RUB18.17
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

«ՀՅԴ-ն ծնվել է ժողովրդից՝ ժողովրդի համար»

Հասարակություն

11 Նոյեմբերի 2017, 12:50
 «ՀՅԴ-ն ծնվել է ժողովրդից՝ ժողովրդի համար»

Աղբյուրը`aztagdaily

Կազմակերպութեամբ ՀՅԴ «Շուշի» կոմիտէին, երէկ` ուրբաթ, 10 նոյեմբեր 2017-ին, երեկոյեան ժամը 8:30-էն սկսեալ, Ռաուտայի մէջ տեղի ունեցաւ ընթրիք-հանդիպում մը` ներկայութեամբ ՀՅԴ Լիբանանի Կեդրոնական կոմիտէի ներկայացուցիչ, երեսփոխան Յակոբ Բագրատունիին եւ զբօսաշրջութեան նախարար Աւետիս Կիտանեանին:

Բարի գալուստի խօսքով հանդէս եկաւ Վազգէն Յակոբեան: Ան դիտել տուաւ, որ հանդիպում-ընթրիքին նպատակն է մնայուն կապ հաստատել հայ ընտանիքներուն հետ, ապա ըսաւ, որ ՀՅԴ-ն ժողովուրդէն ծնած է ժողովուրդին համար, ծառայած եւ պայքարած է միշտ ժողովուրդին համար: Իսկ ՀՅԴ «Շուշի» կոմիտէն իր կարելիութեան սահմաններուն մէջ կ՛աշխատի օգտակար դառնալ շրջանի հայ ընտանիքներուն:

Խօսք առաւ ՀՅԴ Լիբանանի Կեդրոնական կոմիտէի ներկայացուցիչ երեսփոխան Յակոբ Բագրատունի: Ան իր խօսքին սկիզբը դիտել տուաւ, որ հայ ժողովուրդի աւանդութիւններուն մէջ ամէնէն կարեւոր աւանդութիւնը սեղանակից ըլլալն է, իրարու հետ աղ ու հաց ուտելն է, ապա ըսաւ, որ հանդիպումին բուն նպատակը նոյն սեղանին շուրջ իրարու հետ ըլլալն է եւ ըսելը, որ մենք ձեզի հետ ենք: Մենք մեր ժողովուրդէն ծնած ենք: Կուսակցութեան համար պաշտօնները հագուստի վրայ շքանշաններ չեն, ո՛չ ալ զինուորական աստիճաններ են, ինչքան շատ պատասխանատուութիւն կրենք, այդքան աւելի պարտաւորութիւնը կը կրենք ծառայելու մեր ժողովուրդին: Յ. Բագրատունի ըսաւ, որ պաշտօն ստանալը իմաստ չունի, երբ ժողովուրդը քու հետդ չէ, պաշտօնի վրայ ըլլալը անիմաստ է, երբ ժողովուրդը դժգոհ է քեզմէ: «Կայ մէկ իրականութիւն` Լիբանանի հայութիւն, երբ Լիբանանի հայութիւն կ՛ըսեմ, ո՛չ կուսակցական, ո՛չ ալ համայնքային տարբերութիւն կը դնեմ, մեզի համար ամէն մէկ հայ արժէք է Լիբանանի մէջ, ամէն մէկ հայ, որ հայերէն կը խօսի, որ հայերէնով կ՛աղօթէ, որ հայկական դպրոց կը յաճախէ, որ հայկական բոյն կազմած է, արժէք է մեզի համար, եւ մենք այդ հայերուն հետ կ՛ուզենք ապրիլ», նշեց ան:

Յ. Բագրատունի անդրադառնալով լիբանանահայութեան անցնող տասնամեակներու պատմութեան, ըսաւ, որ միշտ ըսուած է, որ հայը պարկեշտ է, հայը արդար է, հայ չի խաբեր, հայը կը շինէ, հայը չի գողնար, չի քանդեր: Հիմնականը այն է, որ մենք կ՛ուզենք հպարտ հայ  եւ հպարտ լիբանանցիներ ըլլալ: Եթէ երբեք մենք բոլորս միասնաբար մէկ բռունցք ըլլանք, իրարու հետ ըլլանք, իրարու համար աշխատինք, հաւատացէք, որ մենք իսկապէս Լիբանանի մէջ եւ Լիբանանէն դուրս հզօր կ՛ըլլանք, եթէ Լիբանանի մէջ հզօր ըլլանք, մենք հզօր ենք նաեւ սփիւռքի մէջ, եթէ Լիբանանի մէջ հզօր ըլլալով զօրաւոր ենք սփիւռքի մէջ, մենք հզօր եւ զօրաւոր կը դարձնենք Հայաստանը եւ Արցախը, նման այն շղթային, որուն հիմնական կեդրոնը Հայաստանն ու Արցախն է, եւ այդ շղթային իւրաքանչիւր օղակը մեր սփիւռքեան գաղութներն են, այդ օղակներէն ամէնէն հաստատունը եւ պողպատեան Լիբանանի հայութիւնն է, որ գիշեր ու ցերեկ կ՛աշխատի, որպէսզի հայու պատիւը բարձր պահէ, իր զաւակները հայկական դպրոց ղրկէ, իր ընտանեկան բոյնը ամուր պահէ, ասոր դիմաց մենք իբրեւ պատասխանատուներ միայն կրնանք ըսել, որ պատրաստ ենք այդ ամրութիւնը աւելի ամրացնել, որպէսզի ամբողջութեամբ ամրանայ մեր ժողովուրդը:

Անդրադառնալով երեսփոխանական ընտրութիւններուն` Յ. Բագրատունի ըսաւ, որ հիմնականը ընտրութիւններու ընթացքին առաւելագոյն թիւով հայերու քուէարկութեան մասնակցութիւնն է, որպէսզի ցոյց տանք, որ մենք իսկապէս թիւ եւ քաղաքական ուժ ենք, մեր ժողովուրդի ճակատագիրը, մեր ժողովուրդի ներկայացուցիչները հայերը կ՛որոշեն:

Իր խօսքի աւարտին Բագրատունի գոհունակութիւն յայտնեց հանդիպումին համար, որուն բարեբախտութիւնը մեծ թիւով երիտասարդներու ներկայութիւնն է, որ քաջալերող է, եւ ըսաւ.  «Երբ կամքը կայ, հաւատքը կայ, ուժը անպայման տեղ կը գտնէ»:

Այնուհետեւ երգիչ Վիգէն Տիշչեքենեան ճոխացուց մթնոլորտը` մեկնաբանելով ազգային-հայրենասիրական երգեր:

 

Լավրովը Երևան է ժամանում
18 Նոյեմբերի 2017, 17:25 Լավրովը Երևան է ժամանում
Հրդեհ Արփի գյուղում
18 Նոյեմբերի 2017, 10:11 Հրդեհ Արփի գյուղում

yerkir.am

Ամենաշատ ընթերցվածները
Yandex.Metrica