close
Եղանակը Երևանում
16 Օգոստոսի 2018
+31°
+32°Ցերեկ
+17°Գիշեր
weather
close
Փոխարժեք
16 Օգս 2018
USD1483.14
GBP1613.64
EUR1549.38
RUB17.23
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ուզում եմ մեղավորները պատժվեն. Չարբախում սպանվածի կինը չի ուզում ներկայանալ դատարան

Իրավունք

25 Հոկտեմբերի 2017, 14:22
 Ուզում եմ  մեղավորները պատժվեն. Չարբախում սպանվածի կինը չի ուզում ներկայանալ դատարան

Քիչ առաջ Շենգավիթ վարչական շրջանի ընդհանուր իրավասության դատարանի դատավոր Նելլի Բաղդասարյանը հեռացավ խորհրդակցական սենյակ` 2016 թվականի նոյեմբերի 13-ին Չարբախում տեղի ունեցած` երկու անձի աղմկահարույց սպանության գործով ամբաստանյալների հեռախոսային զանգերի և տեսակցությունների արգելքը վերացնելու միջնորդության վերաբերյալ որոշում կայացնելու:

Հիշեցնենք, որ այս գործով ամբաստանյալի աթոռին են հայտնի քրեական հեղինակություն Նորատուսցի Ալիկը՝ Ալիկ Բանդուրյանը, նրա մտերիմ` Բդո մականունով հայտնի Արմեն Գասպարյանը և Չարբախցի Գեղամ մականունով հայտնի Պետրոս Իսրայելյանը: Նորատուսցի Ալիկի և Չարբախցի Գեղամի նկատմամբ խափանման միջոց է ընտրվել կալանավորումը, իսկ Արմեն Գասպարյանի՝ Բդոյի նկատմամբ կիրառվել է գրավ:

Նախքան խորհրդակցական սենյակ հեռանալը դատավորը նիստերի դահլիճից դուրս հրավիրեց այս գործով վկաներին: Նիստերի դահլիճում վկաների գտնվելու մասին բարձրաձայնել էր գործով մեղադրող դատախազը: Նա նշել էր, որ դահլիճում է նաև այս գործով ամբաստանյալ Պետրոս Իսրայելյանի որդին` Գոռ Իսրայելյանը: Մինչ կպարզեին, թե ներկաներից որ մեկն է Գոռ Իսրայելյանը, դահլիճում ներկա քրեական հեղինակություն Արա Բանդուրյանը գլխի շարժում հասկացրեց վկային, որ դուրս գա:

Այսօր դատարան էր մուտք եղել տուժող Մուշեղ Մուշեղյանի իրավահաջորդ Նարինե Հովհաննիսյանի դիմումը, որում նա հայտնել էր, որ այժմ գտնվում է վշտի մեջ, ուստի չի կարող ներկա լինել նիստին: Տուժողի իրավահաջորդը խնդրել է հարգելի համարել իր բացակայությունը եւ հիմք ընդունել նախաքննության ընթացքում տված ցուցմունքները: «Ցանկանում եմ մեղավորները պատժվեն օրենքի սահմաններում»,- իր դիմում մասնավորապես գրել է տուժողի իրավահաջորդը:

Նշենք, որ Ալիկ Բանդուրյանը մեղադրվում է 2016թ. նոյեմբերի 13-ին Պետրոս Իսրայելյանին այլ անձանց հետ համատեղ Մուշեղ Մուշեղյանի առողջությանը դիտավորությամբ ծանր վնաս պատճառել դրդելու մեջ: Այսինքն` հորդորելու, շահագրգռելու եղանակով Պետրոս Իսրայելյանի մոտ Մուշեղ Մուշեղյանի նկատմամբ հանցավոր ոտնձգություն կատարելու վճռականություն է հարուցել, ինչպես նաև նույն օրը հանցավոր խմբին օժանդակել է պլանավորված հանցագործության անխոչընդոտ իրականացմանը` Մուշեղ Մուշեղյանի առողջությանը ծանր վնաս պատճառելու գործընթացը հեշտացնելու, հետևաբար` խոչընդոտները վերացնելու եղանակով:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica