close
Եղանակը Երևանում
18 Դեկտեմբերի 2017
+1°
+6°Ցերեկ
+0°Գիշեր
weather
close
Փոխարժեք
18 Դեկ 2017
USD1482.21
GBP1643.56
EUR1568.43
RUB18.23
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Քանի դեռ կողմերի միջև չկա վստահության մթնոլորտ, հնարավոր չէ խոսել բանակցություններում առաջընթացի մասին

Քաղաքական

12 Հոկտեմբերի 2017, 16:20
 Քանի դեռ կողմերի միջև չկա վստահության մթնոլորտ, հնարավոր չէ խոսել բանակցություններում առաջընթացի մասին

Այսօր` կառավարության նիստից հետո, ԱԳ փոխնախարար Շավարշ Քոչարյանը լրագրողների հետ զրույցում անդրադարձավ Սարգսյան-Ալիև հնարավոր հանդիպմանն ու բանակցությունների ներկա ընթացքի մասին հարցերին: Նշենք, որ ԵԱՀԿ  ՄԽ համանախագահներն արդեն հայտարարել են, որ Հայաստանի ու Ադրբեջանի նախագահները պատրաստ են հանդիպել ու բանակցել:

Շավարշ Քոչարյանը հորդորեց նախագահների հանդիպումը չկապել անվտանգության երաշխիքների հետ: Լրագրողների հարցին` եթե նախագահների հանդիպումը չի կարող զսպել Ադրբեջանի ագրեսիվ գործողությունները, ուրեմն ի՞նչ իմաստ ունի կազմակերպել այդ հանդիպումը, նա պատասխանեց. «Մենք միշտ պետք է գիտակցենք, որ երբ խոսքը վերաբերում է բանակցային գործընթացին, կա երկու հարթություն: Մի հարթությունը վերաբերում է նրան, որ չվերսկսվեն ռազմական գործողությունները, մյուս հարթությունը՝ ապահովել առաջընթաց բանակցային գործընթացում: Երկու հարթությունները սերտ կապված են միմյանց հետ: Հաշվի առնելով ապրիլյան պատերազմը, Ադրբեջանի հետևողական ուժային քաղաքականությունը`  եռանախագահները շեշտադրում են վստահության մթնոլորտի վրա»

Փոխնախարարը հորդորեց հույսեր չկապել ԼՂ խնդրի կարգավորման գործընթացում առաջընթացի հետ, քանի որ այսօր առաջին հերթին կողմերի միջև վստահության վերականգնում է կարևոր, որովհետև եթե ամեն օր Ադրբեջանը սադրում է, կրակում է, ուրեմն ի՞նչ առաջընթացի մասին է խոսքը:

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica