close
Եղանակը Երևանում
20 Հոկտեմբերի 2017
+15°
+18°Ցերեկ
+6°Գիշեր
weather
close
Փոխարժեք
20 Հոկ 2017
USD1481.73
GBP1633.72
EUR1568.97
RUB18.37
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Կարտոֆիլ պետք է աճեցնի գյուղատնտեսությամբ զբաղվողը, այլ ոչ թե պարտադիր ծառայության կանչված որևէ մեկը. նախարար

Հասարակություն

11 Հոկտեմբերի 2017, 13:31
 Կարտոֆիլ պետք է աճեցնի գյուղատնտեսությամբ զբաղվողը, այլ ոչ թե պարտադիր ծառայության կանչված որևէ մեկը. նախարար

ԱԺ-ում շարունակվում են «Զինապարտության եւ զինվորական ծառայության մասին» օրենսդրական նոր կարգավորումների վերաբերյալ խորհրդարանական լսումները:

Կոտայքի փոխմարզպետ, ԵԿՄ անդամ Համլետ Հայրապետյանը Վիգեն Սարգսյանից հետաքրքրվեց` արդյո՞ք բերելու է օրենքի նախագիծ, որ բանակում հիմնադրամ կամ տնտեսական միավոր ստեղծվի, որպեսզի այլընտրանքային ծառայություն անցնողները կամ տարկետում ստացածներն իրենց ծառայությունն անցկացնեն այդ հիմնադրամում կամ զորանոցում: «Ինչի մասին է խոսքը: Ինչպես փորձ ունենք հանրապետությունում հիմնադրամ ստեղծելու, այդ նույն անձնավորություններին ուղարկենք ոչ թե հանրապետության քաղաքներում փողոցներն ավլելու`այլընտրանքային ծառայության, այլ թող զբաղվեն գյուղատնտեսությամբ, բանակին կից հիմնադրամում զբաղվեն գյուղատնտեսության զարգացմամբ` 8-10 անգամ կրճատելով գնումների ծախսերը: Սա մեծագույն ցանկություն է, գիտեմ, բայց կուզենայի Ձեր մոտեցումը ևս իմանալ»,- ասաց Հայրապետյանը:

Վիգեն Սարգսյանը ներկայացրեց իր մոտեցումը: «Իմ մոտեցումն այն է, որ կարտոֆիլը պետք է աճեցնի գյուղատնտեսությամբ զբաղվողը, այլ ոչ թե դրա համար պարտադիր ծառայության կանչված որևէ մեկը: Ես կարծում եմ, որ  այլընտրանքային ծառայության որևէ հիմնադրամ չպետք է մեզ հետաքրքրի, որովհետև տարիներ շարունակ մենք տեսնում ենք, որ այլընտրանքային ծառայություն ընտրողների թիվը հաստատուն է և ոչ մեծ: Ես կարծում եմ, որ դա նաև մեր ժողովրդի պատասխանն է բոլոր նրանց, որ ասում են` զոռով քաշեցին, տարան և այլն, և այլն»,- նշեց նախարարը:

Զգաստանալու պահը
20 Հոկտեմբերի 2017, 12:46 Զգաստանալու պահը
Ալիևը Թուրքիայում է
20 Հոկտեմբերի 2017, 10:16 Ալիևը Թուրքիայում է

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica