close
Եղանակը Երևանում
21 Հունվարի 2018
-1°
+7°Ցերեկ
-1°Գիշեր
weather
close
Փոխարժեք
21 Հնվ 2018
USD1481.96
GBP1670.60
EUR1591.90
RUB18.52
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Թուրքիայի կողմից էին եկած. գյուղապետը՝ Կարմիր գրքում գրանցված սպիտակագլուխ անգղների որսի մասին

Հասարակություն

5 Հոկտեմբերի 2017, 11:08
 Թուրքիայի կողմից էին եկած. գյուղապետը՝ Կարմիր գրքում գրանցված սպիտակագլուխ անգղների որսի մասին

Երեկվանից համացանցում բուռն քննարկման առարկա են դարձել Կարմիր գրքում գրանցված անգղների հետ արված լուսանկարները: Երեկ արդեն հայտնի դարձավ, որ թռչունների հետ լուսանկարված տղամարդկանցից մեկը Արմավիրի մարզի Շենավան գյուղի գյուղապետ Արթուր Մկրտչյանն է:

Yerkir.am-ի հետ զրույցում նա հայտնեց, որ լուսանկարներն արվել են 2007-ին: «Դժվար չի պարզել, որ էս նկարը 7 տարի ա` օդնակլասնիկիս սայթում քցած ա: Վերցրել, դրել են` «Ֆեյսբուք»-ով հրապարակել»,- ասաց նա և հավաստիացրեց, որ իրենք անգղ չեն որսացել:

«Ճիշտ ա, մենք որսի էինք գնում Թուրքիայի սահմանին՝ Երվանդաշատի մոտ. ըտեղից Թուրքիա մեկ կամ երկու կիլոմետր ա: Էդ թռչուններին ես միշտ տեսել եմ` Թուրքիայի սարերի վրա են եղել: Էդ անգամ տեսանք, որ անցորդները անցնում, կանգնում, նկարվում են, մենք էլ ըտենց հետաքրքրության համար իջել, նկարվել ենք` որպես հուշ: Դաժը մեզ էլ նկարել ա անցորդներից մեկը»,- ասաց Մկրտչյանը` հավելելով, որ լուսանկարում պատկերված անձանցից մեկը պատահական անցորդ է:

Հարցին` արդյո՞ք ինքը տեղյակ եղել է, որ այդ թռչնատեսակը գրանցված է Կարմիր գրքում, և չի՞ ափսոսում, որ նման թռչնատեսակ է ոչնչացվել, գյուղապետը պատասխանեց. «Ափսոս են, բա ինչ են: Չնայած Թուրքիայի կողմից եկած են, բայց ի՞նչ տարբերություն, հաստատ թուրքական գիշանգղ են, որովհետև, ես ինչ հիշում եմ, մեր մոտի տարածքում ըտենց թռչուն չկա»:

Գյուղապետը զարմանք հայտնեց, թե ինչու է հին լուսանկարն այդքան աղմուկ բարձրացրել: «Երևի մարդ սպանեին այսքան աղմուկ չլիներ, որքան այս նկարից հետո եղավ»,- ասաց նա:

Ավելի վաղ ոստիկանությունը հայտարարություն էր տարածել՝ հայտնելով, որ պարզվել է նշված երեք անձանցից երկուսի ինքնությունը՝ Ա. Մկրտչյան և Յ. Պողոսյան: Ստուգումներով պարզվել է նաև, որ նկարներում երևացող մեքենայի համարանիշը 02.08.2013 թվականին հանձնվել է, և այլ տրանսպորտային միջոցի չի տրամադրվել, իսկ նկարում երևացող ավտոմեքենայի վրա տեղադրվել է հաշվառման այլ համարանիշ: Հետևաբար, դեպքը 2013 թվականից հետո տեղի ունենալ չէր կարող: Հանգամանքները պարզվում են: Ոստիկանության Արմավիրի բաժնում նախապատրաստվում են նյութեր:

Իրավիճակը՝ շփման գծում
20 Հունվարի 2018, 14:22 Իրավիճակը՝ շփման գծում

yerkir.am
Ամենաշատ ընթերցվածները
Yandex.Metrica