close
Եղանակը Երևանում
19 Նոյեմբերի 2018
+6°
+9°Ցերեկ
+0°Գիշեր
weather
close
Փոխարժեք
19 Նմբ 2018
USD1485.72
GBP1621.53
EUR1550.71
RUB17.35
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Անգամ փառատոնի տնօրենն է կարգը «խախտել». «Թռիչք քաղաքի վրայով» ներկայացումը` Կահիրեի փառատոնում

Մշակույթ

3 Հոկտեմբերի 2017, 18:02
 Անգամ փառատոնի տնօրենն է կարգը «խախտել». «Թռիչք քաղաքի վրայով» ներկայացումը` Կահիրեի փառատոնում

Հովհաննես Թումանյանի անվան պետական տիկնիկային թատրոնի «Թռիչք քաղաքի վրայով» ներկայացման հաղթարշավը շարունակվում է: Դեռևս 2010-ին բեմադրված ներկայացումը շարունակում է միջազգային կինոփառատոների մասնակցել ու զարմացնել դրսի հանդիսատեսին:

Սեպտեմբերի 23-29-ը ներկայացումը մասնակցել է Կահիրեի ժամանակակից և փորձարարական ներկայացումների 24-րդ միջազգային թատերական փառատոնին:

Yerkir.am-ի հետ զրույցում Նարինե Գրիգորյանը նշեց, որ թեև իրենք արդեն «հրաժեշտ» էին տվել ներկայացմանը, սակայն հաճույքով են դարձյալ բեմ բարձրացել: «Հրավերը ստանալուց հետո, ճիշտ է, մենք նորից հագուստներ կարեցինք, քանի որ ներկայացումն արդեն 7 տարվա կյանք ունի, և հագուստներն արդեն, բարեբախտաբար, մաշվել էին շատ կիրառվելուց: Ներկայացումից առաջ հանդիսատեսի համար արաբերենով կարդացվեց պատմությունը, իսկ երբ սկսվեց ներկայացումն, ու առաջին տեսարանը խաղացինք, ծափահարություններ հնչեցին: Անկեղծ ասած` երբեք այդ կետից չեմ սկսել, որ հենց սկզբից ծափահարություններով ուղեկցվի ներկայացումը»,- ասաց Գրիգորյանը:

Նա նշեց նաև, որ ներկայացման շուրջ աժիոտաժն այնքան մեծ է եղել, որ փառատոնի տնօրենը, ով ներկայացումները չի դիտում, որոշել է այս անգամ «խախտել» կարգը: «Հյուրերն ասում էին`  հպարտ են, որ նայել են ներկայացումը, շատ լավ անցավ փառատոնը»,- ասաց Գրիգորյանը:

Ի դեպ, ներկայացումը Հորդանանում և Գերմանիայում կայանալիք փառատոների մասնակցելու հրավեր է ստացել:

«Թռիչք քաղաքի վրայով» ներկայացման սցենարի հեղինակն Անուշ Ասլիբեկյանն է,  բեմադրիչը` Նարինե Գրիգորյանը: Դերերում հանդես են գալիս Նարինե Գրիգորյանը և Սերգեյ Թովմասյանը: Ներկայացման նկարչական ձևավորումն Անժելա Գալստյանինն է:

Նարինե Գրիգորյանի ներկայացումը պատմում է կույր աղջկա մտապատկերում կամ երևակայության մեջ տեղ գտած պատկերների, զգայական աշխարհի մասին: 

Հարցեր` Բագրատ Եսայանին
19 Նոյեմբերի 2018, 12:01 Հարցեր` Բագրատ Եսայանին
Օդի ջերմաստիճանը չի փոխվի
18 Նոյեմբերի 2018, 16:27 Օդի ջերմաստիճանը չի փոխվի
Ընտրակաշառք` Փաշինյանից
17 Նոյեմբերի 2018, 19:19 Ընտրակաշառք` Փաշինյանից
yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica