close
Եղանակը Երևանում
19 Փետրվարի 2018
+5°
+7°Ցերեկ
+1°Գիշեր
weather
close
Փոխարժեք
19 Փտր 2018
USD1480.94
GBP1678.03
EUR1602.52
RUB18.53
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Գյուղատնտեսության ոլորտում Հայաստանը կհամագործակցի նաև Իրաքի հետ

Տնտեսական

25 Սեպտեմբերի 2017, 20:53
 Գյուղատնտեսության ոլորտում Հայաստանը կհամագործակցի նաև Իրաքի հետ

ՀՀ գյուղատնտեսության նախարար Իգնատի Առաքելյանն այսօր ընդունել է Իրաքի գյուղատնտեսության նախարար Ֆալահ Հասան Զայդան Ալ-Լուհաիբիին` ագրարային ոլորտում  հայ-իրաքյան հարաբերությունների զարգացման հեռանկարները քննարկելու նպատակով:

 Հանդիպման ընթացքում զրուցակիցներն անդրադարձել են «Հայաստանի Հանրապետության գյուղատնտեսության նախարարության և Իրաքի Հանրապետության գյուղատնտեսության նախարարության միջև համագործակցության մասին» փոխըմբռնման հուշագրին, որը նախատեսվում է ստորագրել առաջիկայում:

 «Հուշագրի ստորագրումը շատ կարևոր քայլ կդառնա Հայաստանի և Իրաքի համագործակցությունը զարգացնելու ուղղությամբ, որը հիմք կհանդիսանա երկու երկրների գործարար շրջանակների սերտացման և նոր գործարար կապերի ստեղծման համար», – նշել է ՀՀ գյուղատնտեսության նախարար Իգնատի Առաքելյանը:

 Կողմերը մտքեր են փոխանակել Իրաքի և Հայաստանի միջև գյուղատնտեսության ոլորտում ապրանքաշրջանառության ավելացմանը, երկու երկրների միջև գյուղմթերքի փոխադրումների կազմակերպմանը, ինչպես նաև ներդրողների համար բարենպաստ միջավայրի ձևավորմանն առնչվող հարցերի շուրջ:

 Հանդիպման ընթացքում քննարկվել են նաև երկուստեք հետաքրքրություն ներկայացնող մի շարք այլ հարցեր:

  Հայաստան կատարած այցի շրջանակում Իրաքի գյուղատնտեսության նախարարը կայցելի նաև մի շարք վերամշակող ընկերություններ:

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica