close
Եղանակը Երևանում
13 Դեկտեմբերի 2017
+6°
+6°Ցերեկ
-2°Գիշեր
weather
close
Փոխարժեք
13 Դեկ 2017
USD1484.11
GBP1646.00
EUR1570.43
RUB18.23
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Աշխարհի առաջնությունում մեր տղաներն ուժեղագույնների շարքում են. Հակոբ Սերոբյան

Սպորտ

25 Սեպտեմբերի 2017, 17:30
 Աշխարհի առաջնությունում մեր տղաներն ուժեղագույնների շարքում են. Հակոբ Սերոբյան

Սպորտային մարմնամարզության Հայաստանի հավաքականն ուսումնամարզական հավաք է անցկացնում Փարիզում՝ պատրաստվելով աշխարհի առաջնությանը: Հավաքականի գլխավոր մարզիչ Հակոբ Սերոբյանի խոսքով՝ Վահագն Դավթյանը, Հարություն Մերդինյանն ու Արթուր Դավթյանը տարվա գլխավոր ստուգատեսում հանդես կգան բարդացված վարժություններով.

«Աշխարհի առաջնությունում մեր տղաներն ուժեղագույնների շարքում են: Արթուր Դավթյանը պայքարելու է բազմամարտում: Նա լավ մարզավիճակում է, եւ եզրափակիչ անցնելու համար ուժերը ներում են: Անկախ Հայաստանի պատմության մեջ աշխարհի առաջնությունում բազմամարտի եզրափակիչում դեռեւս մասնակից չենք ունեցել: Հուսով եմ, որ Արթուրը կկոտրի այդ սառույցը:

Հարություն Մերդինյանը (նժույգաթափեր) մի քանի օր է` իր վարժությունը գրեթե առանց վրիպումների է կատարում: Լավ հանդես գալու դեպքում նա կարող է լինել լավագույնների թվում:

Վահագն Դավթյանի (օղակներ) հետ մշակում ենք բարդացված վարժությունը, շտկում թերությունները: Տեսնենք՝ որ տարբերակով նա ավելի մաքուր կկատարի:

Փարիզում լավ մարզումներ ենք անցկացնում, այստեղ պայմանները շատ լավ են»,- ասաց Հակոբ Սերոբյանը:

ՀԱՕԿ լրատվականի հետ զրույցում մարզիչն ամփոփեց նաեւ օրեր առաջ Ֆրանսիայի մայրաքաղաքում կայացած աշխարհի գավաթի խաղարկության փուլում հայ մարմնամարզիկների արդյունքները.

«Ընդհանուր առմամբ գոհ չեմ, միջին գնահատական եմ տալիս, քանի որ եզրափակչում երկու մասնակից ունեինք:  Վահագն Դավթյանը հավակնում էր մրցանակային տեղի, սակայն վայրէջքի ժամանակ մեծ քայլ արեց, որի պատճառով զրկվեց մեդալից: Մեր մարզաձեւում նույնիսկ միջին սխալները վճռորոշ են: Հարությունն այդ պահին լավ մարզավիճակում չէր: Վարժությունը կատարելու ընթացքում նա ընկավ: Այդ տարիքում դժվար է պահպանել մարզավիճակը: Իսկ Արթուրը վատ հանդես չեկավ:

Աշխարհի առաջնությունում այսպես հանդես գալու դեպքում չեմ դժգոհի: Մրցակցությունը շատ մեծ է լինելու, բարդ ծրագրեր են անելու բոլոր ուժեղները»,- նշեց Սերոբյանը:  

Աշխարհի առաջնությունը կկայանա Կանադայի Մոնրեալ քաղաքում հոկտեմբերի 2-8-ը: Հայաստանի հավաքականը մրցավայր կմեկնի Փարիզից սեպտեմբերի 27-ին:

Հրդեհ` Արևիկ գյուղում
13 Դեկտեմբերի 2017, 16:01 Հրդեհ` Արևիկ գյուղում
Երկրաշարժ` Իրանում
13 Դեկտեմբերի 2017, 11:16 Երկրաշարժ` Իրանում

yerkir.am

Այս բաժնի այլ նորությունները
Ամենաշատ ընթերցվածները
Yandex.Metrica