close
Եղանակը Երևանում
19 Հունիսի 2018
+23°
+27°Ցերեկ
+16°Գիշեր
weather
close
Փոխարժեք
19 Հնս 2018
USD1482.59
GBP1639.29
EUR1559.61
RUB17.62
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Ագրամունտը չի հարգում որևէ արժեք, չի հարգում սեփական ֆրակցիային. Արփինե Հովհաննիսյան

Քաղաքական

13 Սեպտեմբերի 2017, 14:41
 Ագրամունտը չի հարգում որևէ արժեք, չի հարգում սեփական ֆրակցիային. Արփինե Հովհաննիսյան

Հոկտեմբերի 9-ին մեկնարկելու է ԵԽԽՎ նստաշրջանը: Այսօր խորհրդարանում ԱԺ փոխնախագահ, ԵԽԽՎ հայկական պատվիրակության նախագահ Արփինե Հովհաննիսյանը լրագրողներին հայտնեց, որ օրակարգի հաստատումից հետո քվերակության է դրվելու ԵԽԽՎ նախագահ Պեդրո Ագրամունտին անվստահության հայտնելու բանաձևը: Նա նաև տեղեկացրեց, որ այս անգամ Բյուրոն սահմանել է հատուկ ընթացակարգ և, ի տարբերություն սովորական ընթացակարգի` բոլոր պատվիրակները կարողանում են հերթագրվել և ելույթ ունենալ, այս անգամ այդպիսի ընթացակարգ նախատեսված չէ:

«Ելույթի իրավունք է տրված անվստահություն հայտնելու բանաձևի հեղինակին՝ Նորվեգիայի պատվիրակության անդամին, ով առաջինն է նրան անվստահություն հայտնելու բանաձևի տակ ստորագրել: 5 պատվիրակությունների ղեկավարները կամ ներկայացուցիչները հնարավորություն կունենան արտահայտելու իրենց դիրքորոշումները: Դրանից հետո, եթե Պեդրո Ագրամունտը կլինի այնտեղ և ցանկություն կունենա արտահայտելու որոշակի դիրքորոշում, ապա ձայնը կտրվի նրան, և անմիջապես հետո դահլիճում բաց քվեարկություն կանցկացվի, ու պարզ կլինի, ով ինչպես քվեարկեց»,- տեղեկացրեց Հովհաննիսյանը:

Նրա խոսքով՝ Ագրամունտին անվստահություն հայտնելու համար բավարար կլինի 102 ձայն: Հովհաննիսյանը նշեց, որ ինքը մտավախություն չունի, թե գործընթացը կտապալվի, սակայն դա չի բացառում:

«Պեդրո Ագրամունտն իր ցուցաբերած վարքագծով ցույց տվեց մեկ բան` իրականում բացարձակապես չի հարգում որևէ արժեք, ինքը չի հարգում սեփական ֆրակցիային»,- ասաց ՀՀ պատվիրակության ղեկավարը, ապա շեշտեց, որ իրենց մեծ դժվարությամբ հաջողվեց Ագրամունտին հեռացնել ԵԺԿ-ից: Հովհաննիսյանի խոսքով` հենց այս հանգամանքով էլ պայմանավորված է, որ ինքը չի կարծում, թե Ագրամունտը համակերպվել է այս որոշման հետ և չի փորձելու որոշակի քայլեր ձեռնարկել:

«Ես նմանատիպ որակումից զերծ կմնայի, բայց այն, որ Եվրոպայի խորհուրդը, իր պատվիրակների մեծամասնությամբ, այլևս ունի հստակ կամք և ցուցաբերելու է իր կամքը, դրանում էլ թույլ տվեք վստահություն հայտնել»,- ասաց նա:

ՀՀԿ֊ն փակ նիստ է անում
19 Հունիսի 2018, 10:56 ՀՀԿ֊ն փակ նիստ է անում
Մարդակերություն
18 Հունիսի 2018, 20:02 Մարդակերություն
Եղանակն՝ առաջիկա օրերին
18 Հունիսի 2018, 18:00 Եղանակն՝ առաջիկա օրերին

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica