close
Եղանակը Երևանում
15 Օգոստոսի 2018
+23°
+29°Ցերեկ
+18°Գիշեր
weather
close
Փոխարժեք
15 Օգս 2018
USD1483.03
GBP1617.31
EUR1550.85
RUB17.23
close

ՀՀ, ք. Երևան Հանրապետության փ. 30

+374 10 52 15 01
ՎԵՐԵՎ

Փառատոնները խթանում են ինչպես ներքին, այնպես էլ՝ արտաքին զբոսաշրջությունը. նախարար

Տնտեսական

11 Սեպտեմբերի 2017, 23:18
 Փառատոնները խթանում են ինչպես ներքին, այնպես էլ՝ արտաքին զբոսաշրջությունը. նախարար

Սեպտեմբերի 9-ին Դիլիջանում կայացած «Մշակութային վերածնունդ» խորագիրը կրող արվեստի և արհեստի համահայկական փառատոնին փառատոնին ներկա է եղել ՀՀ տնտեսական զարգացման և ներդրումների նախարար Սուրեն Կարայանը: 

Նախարար շրջել է տաղավարներով և ծանոթացնել փառատոնի շրջանակներում ցուցադրված գորգարվեստի բացառիկ նմուշներին, դեկորատիվ-կիրառական արվեստի ստեղծագործություններին` կավագործություն, խեցեգործություն, դարբնագործություն, փայտագործություն, ազգային խոհանոց:

Միջոցառման ընթացքում ներկայացվել է ՀՀ մարզերի և Արցախի մշակույթը՝ երգ, պար, ազգային նվագարաններ, ինչպես նաև տարածաշրջանի զբոսաշրջային ներուժը: 

«Նման համահայկական միջոցառումները, երբ իրականացվում են Երևանից դուրս, խթան են դառնում զբոսաշրջության զարգացման համար: Ինչպես նկատեցինք, այսօր այստեղ են եկել ինչպես սփյուռքահայեր, այնպես էլ՝ զբոսաշրջիկներ: Այստեղ ներկայացված են Հայաստանի մարզերը, Արցախը, յուրաքանչյուրը ներկայացել է իր տարածաշրջանին բնորոշ արհեստագործական և արվեստի նմուշներով: Մենք պետք է հասնենք նրան, որ նման միջոցառումները դառնան մեծ ու ավելի ընդգրկուն: Այս փառատոնները խթանում են ինչպես ներքին, այնպես էլ՝ արտաքին զբոսաշրջությունը: Կարևոր է նաև, որ մարզերի միջև ներքին ճանաչողությունը բարձրանա, որ մարդիկ հայտնաբերեն, թե երկրի ներսում մենք ինչ հրաշալի զբոսաշրջային վայրեր ունենք»,- նշել է Սուրեն Կարայանը:

«Մշակութային վերածնունդ» արվեստների և արհեստների hամահայկական փառատոնը կազմակերպվել է «ՄԵԴԻԱ ՕՆԻՔՍ» ընկերության, Մշակույթի և տուրիզմի պրոպագանդման հիմնադրամի կողմից` ՀՀ տնտեսական զարգացման և ներդրումների նախարարության զբոսաշրջության պետական կոմիտեի և Հայաստանի զբոսաշրջության զարգացման հիմնադրամի աջակցությամբ: 

Փառատոնի գործընկերներն են՝ Հայաստանի Հանրապետության տարածքային կառավարման, ՀՀ մշակույթի, ՀՀ սփյուռքի նախարարությունները, Արցախի Հանրապետության էկոնոմիկայի, ԱՀ մշակույթի նախարարությունները և Դիլիջանի քաղաքապետարանը։

P. S. Աղվան Վարդանյան
15 Օգոստոսի 2018, 12:53 P. S. Աղվան Վարդանյան

yerkir.am
Այս բաժնի այլ նորությունները
Ամենաշատ ընթերցվածները
Yandex.Metrica